თბილისის სახელმწიფო სამედიცინო უნივერსიტეტის პირველი საუნივერსიტეტო კლინიკის დირექტორის ლევან რატიანის განცხადებით, კლინიკაში ამ ეტაპზე იმყოფება 62 პაციენტი, საიდანაც 38 არის კორონავირუსის დადასტურებული შემთხვევაა. მისი თქმით, დანარჩენი პაციენტები ელოდებიან ტესტის პასუხებს.
რაც შეეხება 80 წლის პაციენტს, რატიანის თქმით, მისი მდგომარეობა ამ ეტაპამდე არის მძიმე.
„80 წლის პაციენტის მდგომარეობა ამ ეტაპამდე არის მძიმე, თუმცა ვიტალური პარამეტრები შენარჩუნებულია“, – განაცხადა რატიანმა. ამასთან, კლინიკის დირექტორის განცხადებით, კლინიკაში მყოფი 62 წლის ქალბატონის მდგომარეობა ამ ეტაპზე სტაბილურია.
„ქვეყანაში ყველაზე მძიმე პაციენტები ამ ეტაპამდე ჩვენს კრიტიკული მედიცინის დეპარტამენტშია. პაციენტი, რომელიც არის 62 წლის ქალბატონი ჩვენს კლინიკაში შემოსულია დაახლოებით 10 დღის წინ. ის მოხსნილია მართვითი სუნთქვიდან, მდგომარეობა ამ ეტაპზე სტაბილურია, კონტაქტურია, ადეკვატურია, პაციენტი ამ ეტაპადე რჩება ინტენსიური თერაპიის განყოფილებაში დაგეგმილია დამატებითი კლინიკურ-ლაბორატორიული კვლევები და მდგომარეობის გაუმჯობესების შედეგად პაციენტი უახლოეს საათებში გადავა თერაპიის განყოფილებაში“, – განაცხადა რატიანმა.
