ის რაც სამეგრელოს გუბერნატორმა, დავით ვერავამ ბალდელ დედებთან იკადრა, ამაზე ვერაგული და ბინძური განზრახვა ცოტა გექნებათ გაგებული. ამ ფოტოებზე აღბეჭდილი ქალები მოიყვანეს ბალდელ დედებთან საჩხუბრად და დასაპირისპირებლად. – ამის შესახებ სოციალურ ქსელში სალომე სიმონია წერს. სამოქალაქო აქტივისტი ყველა, თუ როგორ განვითარდა მოვლენები გუშინ საღამოს ზუგდიდში, მას შემდეგ რაც ბალდელი დედები გუბერნატორთან შესახვედრად ჩავიდნენ.
ბევრნაირი ბოროტება მინახავს და გამიგია, მაგრამ მსგავსი იშვიათია – გაწამებულ, დაღლილ, გათოშილ და ფეხებდასიებულ ქართველ დედებს ასე უღირსად, ასე არაქართულად დახვდე და მოექცე, თან ასეთი თანამდებობის პირი. ამ ჩინოვნიკებმა ან რა სიკეთე უნდა მოუტანონ ხალხს და ქვეყანას?!” – წერს სოციალურ ქსელში სალომე სიმონია.
ცნობისთვის, ბალდელი დედებნა გუშინ მე-17 ღამე გაათენეს ღია ცის ქვეშ, წვიმასა და ყინვაში, მათი მოთხოვნაა დაცული ტერიტორიების სააგენტომ ბალდის კანიონის კორუფციული სქემით დადებული ხელშეკრულების გაუქმების შესახებ განაცხადოს.
ბალდაში პროტესტი თითქმის 800 დღეა გრძეკდება. „ქართული ოცნების“ ყოფილი მაღალჩინოსნების კომპანიას, ე.წ. ინვესტორს, ატრაქციების მოსაწყობად მიცემული ვადა ორი კვირაა ამოეწურა. ბალდის მოსახლეობა ითხოვს, 40 წლიანი იჯარის ხელშეკრულება მთლიანად გაუქმდეს, კანიონი ხელუხლებელი დარჩეს და ხალხს დაუბრუნდეს.
