ნიგერიაში ფერმერებზე მომხდარი თავდასხმის შედეგად დაღუპულთა რაოდენობა 110-მდე გაიზარდა, – ამის შესახებ ინფორმაციას „ალ-ჯაზირა“ გაერო-ს მონაცემებზე დაყრდნობით ავრცელებს.
ფერმერებზე თავდასხმა შაბათს ბორნოს შტატის რამდენიმე სოფელში მოხდა. მედიის ინფორმაციით, ადამიანებს, რომლებიც ბრინჯის ყანებში მუშაობდნენ, შეიარაღებული პირები დაესხნენ თავს, ნაწილი დახოცეს, ნაწილი კი – გაიტაცეს. თავდაპირველად ვრცელდებოდა ინფორმაცია 43 დაღუპულის შესახებ.
მომხდარზე პასუხისმგებლობა ჯერჯერობით არავის აუღია, თუმცა ბოლო წლების განმავლობაში აღნიშნულ შტატში „ბოკო ჰარამსა“ და “ისლამური სახელმწიფოს დასავლეთ აფრიკის პროვინციის” დაჯგუფებს არაერთი თავდასხმა განუხორციელებიათ.
