“ტურისტული და ფულის მხარჯველი რუსეთი გვინდა და კულტურული და სპორტული ტურისტი არ გვინდა?” – ასე პასუხობს “მეგა ტვ”-ს ქუთაისის ლადო მესხიშვილის სახელობის თეატრის სამხატვრო ხელმძღვანელმა კოტე აბაშიძემ მოსკოვის თეატრის ვიზიტის გამო გამოთქმულ პროტესტს.
“მესხიშვილის თეატრს ჰყავს 6 დამეგობრენული თეატრი, მათ შორის ერთ-ერთია მოსკოვის ,,ნიკიტკის კარიბჭესთან” , რომლის რეჟიშორიც დიდი ებრაელი და ჩვენი დიდი მეგობარი მარკ როზოვსკია. ჩვენ ამ თეატრთან მემორანდუმი გვაქვს გამოფრემული, ეს არის კულტურული ურთიერთობა. ჩვენ თეატრთან ვახორციელებთ პროექტებს, არც სახელმწიფო ინსტიტუციას და არც თვით თეატრების კავშირებს ამაში არანაირი მონაწილეობა არ აქვთ, ეს ყველაფერი პოლიტიკისგან შორს არის.
ნორმალური და საღად მოაზროვნე ადამიანი არ უნდა იყოს ამის წინააღმდეგი. ტურისტული და ფულის მხარჯველი რუსეთი გვინდა და კულტურული და სპორტული ტურისტი არ გვინდა?
ეს არის სახალხო დიპლომატიის უმაღლესი რანგი, კულტურული დიპლომატია, ასე არიან ისინი ჩამოსულები გასტროლებზე.
ჩემთვის გაუგებარია ეს საპროტესტო ტალღა. თუ საქართველს მასშტაბით გამართულ ფესტივალებში მათ შეუძლიათ მონაწილეობის მიღება, რატომ არ შეიძლება ვუმასპინძლოთ ქუთათურებმაც.
ეს არის დემონსტრირება იმისა რომ, არსებული სიტუაციის მიუხედავად ჩვენ კულტურული, ტურისტული და სპორტული რუსეთის საწინააღმდეგო არაფერი გაგვაჩნია.” – აცხადებს კოტე აბაშიძე.
“მეგა ტვ”-ს აპირებს თუ არა მესხიშვილის თეატრი, აღნიშნული პროტესტის ფონზე რუსული სპექტაკლების გადადებას თეატრის სამხატვრო ხელმძღვანელმა ასე უპასუხა:
“საერთაშორისო თეატრალური სკანდალიღა გვაკლია და იმას ვალაპარაკებთ კრემლს, როგორ ემტერებიან რუსულ თეატრტს საქართველოში.”
შეგახსენებთ რომ 19-20 ოქტომბერს, 19 საათზე მესხიშვილის თეატრი მოსკოვის თეატრს ,,ნიკიტკის კარიბჭესთან” უმასპინძლებს, 19 ოქტომბერს მოსკოველი თეატრალები ქუთაისელ მაყურებელს შესთავაზებენ სპექტაკლს, ,,არ დამივიწყო”. ( Незабудки). 20 ოქტომბერს კი,ჩვენი ეზოს სიმღერები”.
