ტურები გვქონდა დაგეგმილი სვანეთში და გაუქმება მოგვიხდა, ამ ფაქტმა ყველა შეაფერხა – ასე ეხმაურე “მეგა ტვ”-თან საუბრისას, ტურისტული კომაპნიის წარმომადგენელი, რობი სეროპიანი, კორონავირუსის გამო სვანეთის ჩაკეტვის ფაქტს. მისივე თქმით აღნიშნული პრობლემები შეექმენბათს როგორც ტურისტულ კომპანიებს ისე ადგილობრივ მოსახლეობას:
“ჩემი აზრით სვანეთის ჩაკეტვა არა მხოლოდ სვანეთის პრობლემა, არამედ მთელი საქართველოს პრობლემაა. სვანეთის ჩაკეტვა იმოქმედებს ძალიან შიდა ტურიზმზე, იმიტო რომ ერთ-ერთი მოთხოვნადი მიმართულებაა დღეს დღეობით. განსხვავებული რეგიონია თავის სილამაზით, ტრადიციებითა და კულტურით. საქართველოს ბევრ მოქალაქეს ჰქონდა დაგეგმილი მოგზაურობა, მაგრამ ამ ფაქტმა ყველა შეაფერხა. ტურები გვქონდა 16-ში, 22-23-ში, 29-30-ში, სავსე მყავდა და ყველას გაუქნება მოგვიხდა. შესაბამისად გეგმების შეცვლაც მოგვიწევს და ფინანსურადაც იმოქმედებს, როგორც ჩვენზე, ტურისტულ სააგენტოებზე, ასევე ადგილობრივებზე, რადგან მათი ძირითადი შემოსავალი სწორედ ტურიზმია.ამ ეტაპზე ფინანსური ზარალის კონკრეტულ ციფრებს ვერავინ იტყვის, რადგან სვანეთის ტურები ახლა მწიფდებოდა. წელს ყველაზე მოთხოვნადი მიმარულებები სვანეთთან ერთად გურია და აჭარაა. ვფიქრობ ახლა, ძირითადი აქცენტი ამ კუთხეებზე გაკეთდება.
ვიმედოვნებთ რომ სიტუაცია მალე დაწყნარდება და ყველაფერი დალაგდება.” – განაცხადა ტურისტული კომპანიის წარმომადგენელმა რობი სეროპიანმა “მეგა ტვ”-თან საუბრისას.
დღეს კორონავირუსის 25 ახალი შემხვევიდან 17 სვანეთში დაფიქსირდა, რის გამოც, მესტიაში, უშგულსა და ლენჯერში შესვლა და გამოსვლა შეიზღუდა.
ფუნქციონირების უფლება მხოლოდ აფთიაქებს, საბანკო დაწესებულებს, სასურსათო მაღაზიებსა და ღია ტიპის საკვებ დაწესებულებებს აქვთ.
https://megatv.ge/%e1%83%94%e1%83%a1-%e1%83%93%e1%83%98%e1%83%93%e1%83%98-%e1%83%93%e1%83%90%e1%83%a0%e1%83%a2%e1%83%a7%e1%83%9b%e1%83%90-%e1%83%98%e1%83%a5%e1%83%9c%e1%83%94%e1%83%91%e1%83%90-%e1%83%9b%e1%83%97/
