ქუთაისის ტორპედოს კაპიტანმა როინ კვასხვაძემ გუნდი დატოვა. ამის შესახებ ის თავის ფეისბუკ გვერდზე წერს და გუნდს მადლობას უხდის.
როგორც როინ კვასხვაძემ ”მეგა ტვ”-ს განუცხადა ის ”დინამოში” მეკარის პოზიციაზე გადავიდა.
”ძალიან დიდი მადლობა მინდა გადავუხადო ქუთაისის ტორპედოს და იქ მომუშავე ყველა ადამიანს, რომლებიც ამ ხნის განმავლობაში ძალიან დიდ სირთულეებს მაგრად ედგნენ და იბრძოდნენ, რომ ეს ყველაფერი, რაც ამ ხნის განმავლობაში შეიქმნა, გადარჩენილიყო და იმედს ვიტოვებ, რომ აუცილებლად დადგება ქუთაისის ტორპედო ფეხზე და ისე, რო არაფერი პრობლემა არ შეექმნება, აუცილებლად ჭირდება ტორპედო ქალაქს და რათქმა უნდა ჩვენს ჩემპიონატს. იმ ადამიანებს, ვისაც ამ ქალაქში ძალიან უყვარს ფეხბურთი, რომლებსაც არასდროს მიუტოვებია გუნდი და ყველა იმ იმედ გაცრუებაზე ფარხმალი არასდროს დაუყრიათ, იმ გულშემატკივრებზე მაქვს საუბარი დღე და ღამე რო იბრძოდნენ და ქომაგობნენ თავის საყვარელ გუნდს და კიდევ ერთხელ, ძალიან დიდი მადლობა ამ სიყვარულისთვის და სიამოვნებისთვის რაც ამ წლების განმავლობაში დამიგროვდა , და კიდევ ერთხელ წარმატებები ქუთაისის ტორპედოს ,ყველაფერი მაგრად იქნება” – წერს როინ კვასხვაძე თავის ფეისბუკზე.
