ტესტირების გაზრდის რეკომენდაცია მსოფლიო ჯანდაცვის რეკომენდაციების სამეულშია

„ადამიანების სახლში დარჩენით და მოსახლეობის გადაადგილების შეზღუდვით მხოლოდ დროს ვიგებთ და ჯანდაცვის სისტემას ზეწოლისგან ვიცავთ, თუმცა მხოლოდ ეს ზომები ეპიდემიას არ აღმოფხვრის“, – განცხადა ჯანდაცვის მსოფლიო ორგანიზაციის გენერალურმა დირექტორმა

მისივე თქმით, მსოფლიომ შექმნა ახალი „შესაძლებლობის ფანჯარა“ ვირუსთან საბრძოლველად, თუმცა ახლა მთავარია, „ამ შანსის სწორად გამოყენება“.

„ჩვენ რეკომენდაციას ვაძლევთ ექვს გადამწყვეტ ნაბიჯს

1. გააფართოვეთ, ჩაუტარეთ ტრენინგები და ეპიდემიის ეპიცენტრში გააგზავნეთ თქვენი ჯანდაცვის პერსონალი.

2.  აამოქმედეთ სისტემა, რომლითაც ყველა საეჭვო შემთხვევას თემის დონეზე გამოავლენთ.

3. გაზარდეთ წარმოება და ტესტირების შესაძლებლობა.

4. განსაზღვრეთ ის ადგილები, სადაც მოხდება პაციენტების იზოლაცია, მოახდინეთ ამ შენობების ადაპტაცია და იყავით მზად.

5. შეიმუშავეთ მკაფიო გეგმა, რომლითაც კონტაქტების იზოლაციას და კარანტინში გადაყვანას შეძლებთ.

6. უკანასკნელი – მოახდინეთ მთელი მთავრობის ფოკუსირება „კოვიდ 19“-ის კონტროლსა და შეკავებაზე“, – განაცხდა ჯანდაცვის მსოფლიო ორგანიზაციის გენერალურმა დირექტორმა.