2020 წლიდან ქუთაისს ახალი ავტობუსები შეემატება. მერიის ინფორმაციით, თავდაპირველად 60 ერთეული ავტობუსი შემოვა, რისთვისაც მოლაპარაკებები “იბიარდთან” უკვე მიმდინარეობს. აშენდება ახალი ავტოპარკიც. საზოგადოებრივი ტრანსპორტით მგზავრობა კომფორტული გახდება ავტობუსები თანამედროვე სისტემებით აღიჭურვება. ადაპტირებული იქნება შშმ პირებისთვის, დაყენდება კონდიცირება , საკასო აპარატები და ანტივანდალური სისტემები ტრანსპორტის დაზიანების შესამცირებლად. მეგატივი დაინტერესდა როგორ პირობებში უწევთ მგზავრობა ქუთაისელ მოქალაქეებს ამ ეტაპზე და რას ფიქრობენ ახალ მუნიციპალურ ტრანსპორტზე.
მუნიციპალური ტრანსპორტის შემოსვლის შესახებ გაჟღერებული ინფორმაციის გამო კითხვები აქვთ მძღოლებს. ხაზები ამჟამად კერძო საკუთრებაშია და გაუგებარია , როგორ მოხდება მათი მერიისთვის გადაცემა.
ქუთაისში 2002 წლის შემდეგ ავტოპარკი არ განახლებულა. ქუთაისში საზოგადოებრივი ტრანსპორტის სამარშრუტო ხაზებზე ხელშეკრულებების ვადა 2020 წელს სრულება, რის შემდეგაც მერია გადამზიდებთან ახალ ხელშეკრულებებზე დაიწყებს მუშაობას.