სულორში 12 აპრილს აქცია იგეგმება. მოქალაქეები სოფელში 2 საათზე გეგმავენ შეკრებას. ნაწილი გამომგზავრებას თბილიდან გეგმავს:
“ქვეყანაში ტყე არ დატოვეს ბორცვი არ დატოვეს… მდინარეებს აქრობენ, თავზე ბომბს გვაშენებენ , ამ ყველაფერს რომ იტყვიი: ,,ნაცი,, ხარო გეტყვიან. სანამ ჩვენს ქვეყანაში ნაც-ქოცობის ძახილი არ მოიშლება, მანამ არაფერი არ გვეშველებაა…. ალბად სიკეთეშიი უნდა ჩავუთვალოთ ლაბაჯოურს რომ არ კეტავენ და არ გვასახლებენ სოფლიდან….” – წერს მოქალაქე
“სულორი როგორც იცით ბალნეოლოგიური კურორტია, სადაც სამკურნალო თვისებების გოგირდიანი წყლები ბუნებრივად, მიწიდან მოიპოვება, რომელსაც სხვადასხვა ადამიანსის განკურვნა შეუძლია ასეთ ადგილზე განსაკუთრებით საშიში და საყურადღებოა ჰესის აშენება, რადგან წყალი და პატარა წყაროები ძალიან ბევრ ადგილზე მოედინება მათი დაგუბება კი საფრთხეს წარმოადგენს მოსახლეობისთვის. როგორც ვიცით სულორში საკმაოდ ხშირია წყალდიდობები, ერთ-ერთმა წყალდიდობამ გაანადგურა კურორტის ხიდი, ბაღთან არსებული გზა და საფრთხე შეუქმნა მოსახლეობას. ჰესი გააქრობს მდინარეს შესაბამისად სრულიად გააქრობს თევზს მათ შორის იშვიათ კალმახსაც, რომელიც უკვე გადაშენების პირასაა. ჰესის აშენების შემდეგ იზრდება მეწყერის რისკი, რაც განსაკუთრებით საყურადღებოა რადგან უკვე რამდენიმე აგილას დაიძრა მიწა რომელმაც საფრთხე შეუქმნა მოსახლეობას. ჰესი ასევე გავლენას ახდენს კლიმატზე და ხელს უწყობს გლობალურ დათბობას. ჰესის აშენების შემთხვევაში აღარ გვექნება მდინარე, გაქრება ყველანაირი თევზი და საფრთხე შეექმნება ბუნებას. უხვი ნალექის შემთხვევაში იქნება წყალდიდობა, რომელიც მოსახლეობას დიდი რისკის ქვეშ დააყენებს.
არა სულორის ჰესს
ვანის საკრებულოს წევრი ბიჭიკო პაიკიძე, რომლის კომპანია მდინარე სულორზე ჰესის მშენებლობას გეგმავს, განცხადებას ავრცელებს. მან პროტესტი პოლიტიკურად ანგაჟირებულად შეაფასა
უკვე რამდენიმე წელია ვაწარმოებ მდინარე სულორზე ჰესის მშენებლობისათვის საჭირო საპროექტო სამუშაოებს. პროექტის განხორციელებისათვის ჩატარდა შესაბამისი კვლევები. ჩვენ მიერ შერჩეული ჰესის მოდელი გულისხმობს მშენებლობას, მაქსიმალური სიმძლავრით 1,8 მეგავატის მოცულობით. მისი კონსტრუქცია ითვალისწინებს წყლის ნაკადის ჩამოდინებას ღია სანიაღვრე მეთოდით. გავრცელებული ინფორმაცია ორი ჰესის აშენებასა და მდინარის მილებში მოქცევის შესახებ არ შეესაბამება სიმართლეს, რადგან ჩვენ მიერ შერჩეული პროექტი, არ საჭიროებს მსგავსი ტიპის დაგეგმარებას. ამ ეტაპზე დეტალური პროექტირების საკითხებზე აქტიურად ვთანამშრომლობთ იტალიურ კომპანია “Idrostudi LLC “- სთან, რომელიც აფასებს ჰესის გავლენას გარემოზე.
“ჩვენ მიერ შერჩეული ჰესის ტექნოლოგიური მახასიათებლები იძლევიან ადგილობრივი მოსახელობისა და ეკოლოგიის დაცულობის სრულ გარანტიას. კიდევ ერთხელ ვადასტურებ, რომ სანამ არ მექნება პროექტის სრულყოფილი მოდელი, რომელიც ნებადართული იქნება, შესაბამისი უწყებების მიერ, აღნიშნულ ტერიტორიაზე არანაირი სამშენებლო სამუშაოების განხორიცელება არ დაიგეგმება; ხოლო თანხმობის შემდეგ, დაინტერესებული საზოგადოება მიიღებს სრულყოფილ ინფორმაციას, სამუშაოების დაწყების და უსაფრთხოების გარანტიის შესახებ. ” – ვკითხულობთ პოსტში.
მოქალაქეები კი
ბიჭიკო პაიკიძეს ტყუილში ადანაშაულებენ: თქვით რომ სანამ გეოლოგების ,ეკოლოგების,სეისმოლოგების და სპეციალისტების დასკვნა არ დაიდებოდა და განიხილებოდა არაფერს არ დავიწყებო და დაწყებული გქონიათ ,ისე რომ ხალხის მასამ ახლა გაიგო და ,ერთი წუთითაც არ შეაჩერეთ სამუშაოები!
ასე ასრულებთ პირობას!? ერთს გპირდებით და საწინააღმდეგოს ასრულებთ!?- წერენ ისინი
“მშვიდობიანიდილა მოგცეთ ღმერთმა !
თუმცა რაღა მშვიდობაა ,ძირს რომ გითხრიან დასანგრევად და შენ კუთხეზე შეყვარებულმა ხმა თუ ამოიღე ,მაშინვე პოლიტიკის გავლენას მიაწერენ!
რა პოლიტიკაზეა საუბარი ხალხნო როცა განგრევენ და შენი ბუდიდან საყრელად გიქმნიან საქმეს!?
გაიგეთ და მოისმინეთ რომ ეს არ ეხება პოლიტიკას ეს ეხება სოფლების მაცხოვრებლებს და მთელ რაიონს ! ეს რაც წამოიწყეთ დაუშვებელია და ეს თქვენა კარგად იცით. ! იცით რომ დაინგრევა და გაპარტახდება ბევრი სოფელი და მაინც აგრძელებთ ! თან აქეთ გვაყენებთ შეურაცხყოფას რომ პოლიტიკას უკავსირებთ ამას! ეს სიცრუეა !
ხალხს სახლებიდან ყრიტ მდინარეს და ბუნებას ერჩიტ და ხმა თუ ამოიღო ვინმემ პოლიტიკაა!? დაასრულეთ ეს სიყალბე!”- წერს კიდევ ერთი მოქალაქე.
ჩვენ შეგახსენებთ რომ სულორში 12 აპრილს აქცია იგეგმება
