მესტიის მუნიციპალიტეტის სოფელ ადიშში, დროებითი გზის მოწყობის სამუშოები აქტიურად მიმდინარეობს, ადგილზე მუშაობს მძიმე ტექნიკა. მესტიის მერიის ინფორმაციით, მთლიანობაში დაზიანებულია ადიშთან დამაკავშირებელი გზის 400 მეტრიანი მონაკვეთი, – ამის შესახებ ინფორმაციას სამეგრელო-ზემო სვანეთის გუბერნატორის პრესსამსახური ავრცელებს.
სტიქიის საპრევენციო სამუშაოების ფარგლებში კალა-უშგული დამაკავშირებელ გზაზე სოფელ იფართან ცენტრალური გზის გამაგრება და მდინარის კალაპოტის შეცვლა გუშინვე მოხერხდა.
საპრევენციო სამუშოები ასევე ჩატარებულია და გზა გახსნილია ლენჯერის და მულახის თემებშიც. ძლიერი წვიმის შედეგად მესტიის სოფლებში პრობლემები გუშინ შექმნა, ადიდებულმა მდინარეებმა და წარმოქმნილა ღვარცოფებმა ძირითდად პრობლემა საგზაო ინფრასტრუქტურას შეუქმნა.
სტიქიის სალიკვიდაციო სამუშაოებს მესტიის მერი კაპიტონ ჟორჟოლიანი ხელმძღვანელობს. ადგილზე იმყოფებოდნენ სამეგრელო-ზემო სვანეთის სახელმწიფო რწმუნებულის მოვალეობის შემსრულებელი მალხაზ თორია და მოადგილე ნინო ვიბლიანი.
