”სკვერის მოწყობა სრულად დაფინანსდება სახელმწიფოს მხრიდან 50 000 ლარის ფარგლებში” – ამის შესახებ სოციალურ ქსელში მანანა სანაძე ”შავი პრინცის” სკვერის მოწყობის შესახებ წერს:
”ჩვენთვის სასიხარულო ინფორმაცია, რომელსაც არ ვამჟღავნებდი გარკვეულ დრომდე. მე, როგორც საინიციატივო ჯგუფის წევრი და არქიტექტორი მიხეილ კაკაურიძე, 21 იანვარს გახლდით მიღებაზე ვიცე-მერ იუზა უგულავასთან. მანამდე, სკვერის თემასთან დაკავშირებით, გვქონდა შეხვედრები ქალაქის მერთან. ვიცე მერმა გვითხრა, რომ სკვერის მოწყობა სრულად დაფინანსდება სახელმწიფოს მხრიდან 50 000 ლარის ფარგლებში. სახელწოდების მინიჭებას რაც შეეხება, სხვა საკითხია და მოგვიანებით მოხდება. ჩვენ გვაქვს სურვილი, სკვერში დაიდგას აკაკის ძეგლი, მოდერნისტული ან სხვა სახის, რაც არ არის მარტივი საკითხი. სწორედ ამასთან დაკავშირებით ვფიქრობ გავამყაროთ ჩვენი თხოვნა ხელმოწერების საშუალებით. აკაკის ძეგლის ესკიზი დაამზადა ქუთაისელმა მოქანდაკე გიორგი დარსაველიძემ.” – წერს მანანა სანაძე