ამის შესახებ, ჯანმრთელობის დაცვის სამინისტროს მიერ დამტკიცებულ კლინიკური მართვის პროტოკოლში წერია , თუმცა იქვე მკაცრად არის განსაზღვრული გვერდითი ეფექტები, რის გამოც მედიკამენტის მიღება მხოლოდ და მხოლოდ ექიმის მეტვალყურეობის ქვეშ უნდა ხდებოდეს.
,,COVID-19-ის სპეციფიკური ანტივირუსული მკურნალობა ჯერ-ჯერობით
ოფიციალურად დამტკიცებული არ არის [5]. თუმცა შესწავლის სტადიაშია
დაახლოებით 11-12 მედიკამენტი და ზოგიერთი მკვლევარის და ექსპერტის აზრით,
ისინი ვერ უზრუნველყოფენ განკურნებას, მაგრამ ამსუბუქებენ დაავადების
მიმდინარეობას და ამცირებენ ლეტალობას.
მსოფლიოში არსებული გამოცდილებით და სხვადასხვა კვლევის შედეგებზე
დაყრდნობით COVID-19-ის ყველაზე ეფექტიან სამკურნალო მედიკამენტად ითვლება
ჰიდროქსიქლოროქინი (პლაქვენილი).
უსიმპტომო COVID-19-ით პაციენტები ჰიდროქსიქლოროქინით (პლაქვენილით)
მკურნალობას არ საჭიროებენ.
მსუბუქი მიმდინარეობის COVID-19-ით პაციენტებში ჰიდროქსიქლოროქინით
(პლაქვენილით) მკურნალობის საკითხი უნდა გადაწყდეს ინდივიდუალურად.”-წერია დოკუმენტში.
დღესვე გაკეთდა განცხადება იმის შესახებ, რომ პრეპარატი აფთიაქებში უკვე შეიძინეს და მოუწოდეს მათ, რომ არამც დარამც არ გამოიყენონ თვითნებურად.
ჯანდაცვის სამინისტრომ “ახალი კორონავირუსით (SARS-CoV-2) გამოწვეული ინფექციის (COVID-19) კლინიკური მართვა-კლინიკური მდგომარეობის მართვის სახელმწიფო სტანდარტი დაამტკიცა.
