ქართველ გოგოს, რომელმაც ბავშვი ნაგვის ურნაში ჩააგდო, ბერძნული სასამართლო დაუდევრობის ფონზე საკუთარი შვილის მკვლელობის მცდელობაში ადანაშაულებს. “ის ოფიციალურად მოიხდის ბოდიშს. საკუთარ დანაშაულს ძალიან ნანობს და მუდმივად ტირის,” -განაცხადა გოგონას ადვოკატმა. იგი ამბობს, რომ ახალგაზრდა გოგონა მძიმე ფსიქოლოგიურ მდგომარეობაშია და საკუთარ ქმედებებს უკიდურესი სასოწარკვეთით ხსნის. როგორც პოლიციაში თქვა, ის საქართველოდან რამდენიმე დღის წინ ჩამოვიდა და სამსახურის პოვნის იმედი ჰქონდა. ეს გადაწყვეტილება კი იმიტომ მიიღო, რომ საკუთარი მშობლები მის ფეხმძიმობას არ შეეგუვნენ, ამიტომ უნდოდა შვილი უცხო ქვეყანაში გაეჩინა. როგორც ჩანს, ფიქრობდა, რომ სამსახურს იპოვიდა და შვილის გაზრდას შეძლებდა, თუმცა, მშობიარობიდან 6 დღის შემდეგ, სასოწარკვეთის ფონზე აღნიშნულ ქმედებამდე მივიდა, რადგან მის გასაზრდელად თანხა არ ჰქონდა.
გოგონას ბერძენი ადვოკატი, კოსტას კრობასი დაიცავს.