ქუთაისში 2 ქუჩის სარეაბილიტაციოდ 15 მილიონი ლარი გამოიყო. ამ თემაზე სტრატეგია აღმაშენებლის გუნდის ქუთაისის მერობის კანდიდატმა ანდრო ლოსაბერიძემ ბრიფინგი გამართა. ,, კორონაპანდემიის პირობებში როცა სკოლებში სველი წერტილების ელემენტარული ჰიგიენის პრობლემა გადაუწყვეტელია, როცა ელექტრონული მოწყობილობების და ინტერნეტის ხელმისაწვდომობა დაბალია, ხელისუფლება ორი ქუჩის სარეაბილიტაციოდ 15 მილიონის დახარჯვას აპირებს. ტენდერებიც ხელისუფლებასთან სინქრონში მყოფმა კომპანიებმა მოიგეს, რაც კიდევ უფრო აძლიერებს მოსაზრებას რომ ე.წ ,, ატკატების ” ინტერესი და საარჩევნო ყულაბის შევსების თემა უფრო პრიორიტეტულია დამსხვრეული ოცნებების პარტიისთვის ვიდრე მოსახლეობის პრობლემების მოგვარება”- განაცხადა ანდრო ლოსაბერიძემ. ქუთაისში აღმაშენებლის და წერეთლის ქუჩების რეაბილიტაცია უკვე დაწყებულია სამუშაოებს ,, ბლექსი გრუპი” და ,, აკორდ ჯორჯია” ასრულებს. ამასთან უკანასკნელს უამრავი დავალიანება აქვს როგორც სახელმწიფოს ისე კერძო კომპანიების მიმართ. ჯამში 4, 5 კილომეტრი გზის დასაგებად 15 მილიონი ლარი დაიხარჯება.
სკოლაში სავარაუდო სექსუალური ძალადობის ფაქტზე გამოძიება დაიწყო – ფაქსტს შსს ადასტურებს
შინაგან საქმეთა სამინისტრო ადასტურებს, რომ თბილისის ერთ-ერთ საჯარო სკოლაში სავარაუდო სექსუალური იძულების და ცემის ფაქტზე გამოძიებაა დაწყებული. "პირველების" ინფორმაციით, სავარაუდო დანაშაულში ერთი სკოლის რამდენიმე მოსწვალე ფიგურირებს - ერთ შემთხევვაში მეოთხე კლასელზე სავარუდო...
