2020 წლის 10 ოქტომბერს ქუთაისის ლადო მესხიშვილის სახელობის პროფესიული სახელმწიფო დრამატული თეატრი საიუბილეო 160-ე სეზონს ხსნის.
არსებული ეპიდსიტუაციის გათვალისწინებით და რეგულაციების შესაბამისად, საზეიმო საღამო ახალ, ღია სივრცეში – „მწვანე თეატრში” გაიმართება.
დაგეგმილი ღონისძიებები: ღია სივრცეში მესამე სცენის –„ მწვანე თეატრის“ საზეიმო გახსნა ქეთევან მამუკელაშვილის მონოგრაფიის „ ეფრო კლდიაშვილი“ პრეზენტაცია ეფრო კლიდაშვილის სახელობის ლოჟის ოფიციალური გახსნა რეჟისორ კოტე აბაშიძის სპექტაკლის პრემიერა – „თქვენო უდიდებულესობავ“ თეატრის საერთაშორისო დღისადმი მიძღვნილი ღონისძიება თეატრალური საზოგადოების ყოველწლიური კონკურსის „ წლის საუკეთესო ნამუშევარი“ , შედეგების გამოცხადება და გამარჯვებული ნომინანტების დაჯილდოება კოტე მესხის ძეგლის გახსნასთან დაკავშირებით მიღებული გადაწყვეტილების გამოცხადება
10 ოქტომბერს მესხიშვილის თეატრს მრავალი სტუმარი ეყოლება. მათ შორის : დელეგაცია საქართველოს განათლების , კულტურისა და სპორტის სამინისტორდან, საქართველოს თეატრალური კავშირი, ევროპული თეატრების კონვენციის ( რომლის წევრიც მესხიშვილის თეატრი 2019 წლის ნოემბერში გახდა ) ოფიციალური დელეგაცია, შემოქმედებითი ჯგუფები საქართველოს ყველა თეატრიდან, საქართველოს თეატრალური საზოგადოების კონკურსში გამარჯვებული ნომინანტები.
