თეოლოგი ლაშა დეისაძე- შერვაშიძე ჭყონდიდის ეპარქიის მიტროპოლიტის, მეუფე სტეფანეს, გადაწყვეტილებას გამოეხმაურა, რომელმაც 10-მდე სასულიერო პირი სამონაზვნე და სასულიერო დასიდან სრულად განკვეთა
“როგორც წესაგებული გარდაცვლილი ადამიანის გაცოცხლებაა შეუძლებელი, ასევე შეუძლებელია მონაზვნად (ბერად) აღკვეცილი ადამიანის ერისკაცობაში დაბრუნება.
ჭყონდიდის კათედრიდან დღეს წაკითხული ბრძანება არის კანონიკური კაზუსი საეკლესიო სამართალში და რეალურად – არარსებული, რაც საქართველოს ეკლესიაში საეკლესიო სასამართლოს აღდგენისა და სჯულის კანონის კვლავ ამოქმედების შემდეგ, თავად ამ ბრძანების ავტორის განკვეთის ერთ-ერთი მყარი საფუძველი იქნება.
ხსენებული ანტიეკლესიური ბრძანება განაჩენია თავად მისი ავტორისთვის. დღეს ამ იერარქმა თავისი მომავალი განკვეთა გამოაცხადა. ” – წერს თეოლოგი სოციალურ ქსელში
