ქუთაისის ცენტრალურ ბულვარში საპირფარეშო ფუნქციონირებას ზაფხულიდან დაიწყებს. ამ ეტაპზე მიმდინარეობს ტენდერში გამარჯვებულ კომპანიასთან ხელშეკრულების მომზადება, რომელსაც ხელი უახლოეს დღეებში უნდა მოეწეროს.
ქუთაისის მერიის ინფრატსრუქტურის სამსახურის უფროსის მაოდგილემ მირზა ხიდეშელმა ”მეგა ტვ”-თან პროექტის დეტალებზე ისაუბრა:
”ამ ეტაპზე გვაქვს ცენტრალურ უბანში დასრულებული ტენდერი საპირფარეშოებთან დაკავშირებით. კომპანიასთან მიმდინარეობს ხელშეკრულების მომზადება. მის მიერ დაფიქსირებულუ თანხა არის 59 165 ლარი, სარეაბილიტაციო სამუშაოები უნდა დასრულდეს ხელშეკრულების დადებიდან 60 კალენდარულ დღეში. ხელშეკულება ამ დღეებში უნდა გაფორმდეს.
პროექტი ითვალისწინებს სამი იზოლირებული საპირფარეშოს მოწყობას. მათგან ერთი იქნება ადაპტირებული, ხოლო ორი იქნება შესაბამისად განაწილებული სქესის მიხედვით. გარედან მოპირკეთებული იქნება ბუნებრივი ქვით, უზერუნველყოფილი იქმენა კამერებით, აუცილებლად დაცული იქნება საჯარო საპირფარეშოსთვის გათვალისწინებული ჰიგიენური ნორმები და აღჭურვილი იქნება ავტომატიზირებული კარებით, რაც უზრუნველყოფს მონეტის ყულაბაში ჩაგდების შემდეგ ისარგებლოთ საპირფარეშოთი.
რეაბილიტაციის პროექტს ახორციელებს ქალაქის მერია, გასხვისების საკითხი რეაბილიტაციის დასრულებამდე დღის წესრიგში არ დადგება.
პროექტირება ასევე დავასრულეთ წითელ ხიდთან მდებარე საპირფარეშოს მიმართულებით და სარეაბილიტაციო სამუშაოები ამ ეტაპზე დაფინანსებული არ გვაქვს და წლის განმავლობაში მივუბრუნდებით ამ საკითხს. ავტოქარხანაში საპირფარეშოსთან დაკავშირებით საპროექტო სამუშაოები არ გვაქვს და უახლოეს მომავალში ხელშესახები შედეგები ამ მიმართულებით ვერ გვექნება.” – განაცხადა მირზა ხიდაშელმა,ქუთაისის მერიის ინფრატსრუქტურის სამსახურის უფროსის მაოდგილემ.