როგორ აფასებენ საქართველოში ნატოს ყოფილი გენერალური მდივნის ანდერს ფოგ რასმუსენის განცადებას იმის თაობაზე, რომ საქართველომ უნდა დაიწყოს დისკუსიები, მისაღები იქნება თუ არა მისთვის, შეუერთდეს ნატო-ს აფხაზეთისა და „სამხრეთ ოსეთის“ გარეშე და მეხუთე მუხლმა მხოლოდ ის ტერიტორია მოიცვას, რომელსაც მთლიანად აკონტროლებს საქართველოს ხელისუფლება.
“ეს ინიციატივა ძალიან საინტერესოა, რადგან ჩვენი მეგობარი ქვეყნების ნაწილისთვის, რომელიც სკეპტიკურად არის განწყობილი საქართველოს ნატო-ში ინტერაციის საკითხთან დაკავშირებით და თვლის, რომ რუსეთთან ომის საფრთხე ახლავს ამ პროცესს, შეიძლება ეს მოდელი მისაღები გამოსავალი აღმოჩნდეს”, – ამის შესახებ “ევროპული საქართველოს” წარმომადგენელმა, ოთარ კახიძემ “ინტერპრესნიუსთან” ნატო-ს ყოფილი გენერალური მდივნის, ანდრეს ფოგ რასმუსენის განცხადების შეფასებისას განაცხადა.
“ნატო-ს ყოფილი გენერალური მდივნის განცხადება ნიშნავს, რომ დასავლეთში უკვე მწიფდება აზრი იმისა, რომ საქართველო იმსახურებს ნატო-ს წევრობას”, – ასე შეაფასა „რონდელის“ ფონდის მკვლევარმა, ზურაბ ბატიაშვილმა ნატო-ს ყოფილი გენერალური მდივნის, ანდერს ფოგ რასმუსენის განცხადება.
“რასმუსენის განცხადება ნიშნავს, რომ ნატო მზად არის ალიანსში მიგვიღოს, თუმცა რუსეთთან კონფრონტაციაზე არ წავა” – ასე აფასებს ექსპერტი უსაფრთხოების საკითხებში მამუკა არეშიძე ნატო-ს ყოფილი გენერალური მდივნის განცხადებას.
‘საქართველო ნატო-ს წევრი ქვეყანა აფხაზეთთან და ცხინვალთან ერთად გახდება” – ეს არის გარდაუვალი საკითხი და ქვეყნის ტერიტორიული მთლიანობა ეჭვის ქვეშ არასდროს დადგება, – ამის შესახებ ჟურნალისტებს დეპუტატმა ირაკლი სესიაშვილმა განუცხადა.
დეპუტატის თქმით, საქართველოს ტერიტორიული მთლიანობა აღიარებულია ნატოს, ევროკავშირის და ყველა ცივილიზებული სუბიექტის მხრიდან.
“რასმუსენის მოსაზრებას ვეთანხმები – დიახ, დისკუსები უნდა დავიწყოთ, თუ რა ფორმით უნდა მიგვიღონ ნატო-ში. თუ მეხუთე პუნქტი არ შეეხება აფხაზეთსა და „სამხრეთ ოსეთს“, მაშინ ყველა დამშვიდდება, მათ შორის ნატოც”, – ეს განცხადება კონფლიქტოლოგმა პაატა ზაქარეიშვილმა, ანდერს ფოგ რასმუსენის განცხადების საპასუხოდ გააკეთა.
ნატო-ს ყოფილმა გენერალურმა მდივანმა დღეს განაცხადა: