8 თებერვალს საქართველოს მართლმადიდებელი ეკლესია წმინდანად შერაცხული მეფის, დავით აღმაშენებლის ხსენების დღეს აღნიშნავს.
ამ დღეს ქუთაისში განსაკუთრებით აღნიშნავენ და შესაბამისად 8 თებერვალს ქალაქში სხვადასხვა ღონისძიებაა დაგეგმილი.
დღის განრიგი ასეთია:
10:00 სთ – დავით აღმაშენებლის ძეგლის პატივგება
12:00 სთ- საზეიმო წირვა (გელათის სამონასტრო კომპლექსი).
დავით აღმაშენებლის საფლავის პატივგება, საქართველოს საპატრიარქოს ჩოხოსანთა საზოგადოების წმიდა დავით აღმაშენებლის სახელობის ქუთაის-იმერეთის ორგანიზაციის ახალი ჩოხოსნების კურთხევა.
გელათის აკადემია
11:00 სთ – ხელნაწერთა ეროვნული ცენტრის ფოტო-გამოფენა ,,გალობის გელათური სკოლა’’
11:00 სთ – ა(ა)იპ კულტურულ, სახელოვნებო, საგანმანათლებლო დაწესებულებათა გაერთიანების ფილიალის ფოტო-კინო-მატიანეს მუზეუმის ფოტო-გამოფენა – ,,დავითობის აღნიშვნა ქუთაისში’’
11:30 სთ -აკაკი წერეთლის სახელმწიფო უნივერსიტეტის პროფესორის სულხან კუპრაშვილის საჯარო ლექცია ,,დავით აღმაშენებლის ფენომენი’’
12:00 სთ – მ.ბალანჩივაძის სახელობის ცენტრალური სამუსიკო სასწავლებლის შერეული გუნდი და ქუთაისის სიმფონიური ორკესტრი
13:00 სთ – დავითობისადმი მიძღვნილი საქველმოქმედო ფესტივალი მ.ბალანჩივაძის სახელობის ოპერისა და ბალეტის პროფესიულ სახელმწიფო თეატრში
14:00 სთ- ქუთაისის სახელმწიფო ისტორიული მუზეუმი
დავითობის დღესასწაულისადმი მიძღვნილი დროებითი გამოფენა და საჯარო ლექცია
18:00 სთ – დავითობისადმი მიძღვნილი საქველმოქმედო კონცერტი ზურა კობეშავიძე და მეგობრები
საქართველოს მართლმადიდებელი ეკლესია 8 თებერვალს წმინდანად შერაცხული მეფის, დავით აღმაშენებლის ხსენების დღეს აღნიშნავს.
დავით აღმაშენებლის სახელს საქართველოს აღმავლობის ეპოქა – ქვეყნის გაერთიანება, აღმშენებლობა, იყალთო და გელათი, დიდი საბრძოლო გამარჯვებები მათ შორის – ქვეყნის ძლიერების სიმბოლოდ ქცეული დიდგორი უკავშირდება.
წმინდა მეფე დავით აღმაშენებელი 1089 წელს, 16 წლის ასაკში გამეფდა და 36 წელი მეფობდა.
დავით აღმაშენებლის მეფობის დროს საქართველო უძლიერეს სახელმწიფოდ იქცა.
წმინდა მეფე 53 წლის ასაკში 1125 წელს აღესრულა. მანამდე მან ჰიმნოგრაფიული ნაწარმოები „გალობანი სინანულისანი“ დაწერა, სადაც მეფემ მის მიერ ნებსით და უნებლიეთ ჩადენილი ცოდვებისთვის უფალს შეწყალება სთხოვა. ანდერძის მიხედვით, დავით აღმაშენებელი გელათის მონასტრის შესასვლელშია დაკრძალული.
