“ერთიანი ნაციონალური მოძრაობა“ და გაერთიანებაში „ძალა ერთობაშია“ შემავალი პარტიები პრემიერ-მინისტრობის კანდიდატად საქართველოს ყოფილ პრეზიდენტს, მიხეილ სააკაშვილს წარადგენს. როგორც დღეს “ნაციონალური მოძრაობის” თავმჯდომარემ, გრიგოლ ვაშაძემ განაცხადა, აღნიშნული გადაწყვეტილება პარტიებმა ერთხმად მიიღეს.”
მიხეილ სააკაშვილისსაქართველოში სავარაუდო ჩამოსვლასა და მის პრემიერად წარდგენას პოლიტიკურ წრეებში სხვადასხვა გამოხმაურება მოჰყვა:
მგონია, რომ საზოგადოებას აქვს სრულიად სხვა მოთხოვნები, ვიდრე საუბარი იმაზე, ერთი კონკრეტული პოლიტიკოსი დაბრუნდება თუ არა და როგორ დაბრუნდება საქართველოში,
– ამის შესახებ „ევროპული საქართველოს“ საარჩევნო შტაბის ხელმძღვანელმა სერგი კაპანაძემ საქართველოში ყოფილი პრეზიდენტის მიხეილ სააკაშვილის შესაძლო დაბრუნებასთან დაკავშირებით დასული კითხვის საპასუხოდ განაცხადა.
მისი თქმით, დღეს მოსახლეობას აწუხებს ქვეყანაში არსებული ეკონომიკური კრიზისი და შესაბამისად ამომრჩეველი კაპანაძის განმარტებით, ყურადღებას აქცევს იმას, თუ რომელი პარტია რა გამოსავალს სთავაზობს შექმნილი ვითარებიდან.
ცხადია, მიხეილ სააკაშვილი უნდა დაბრუნდეს, ჩამობრძანდეს და შევიდეს იქ, სადაც ყველაზე მეტად ელოდებიან – ეს არის სასჯელაღსრულების სამსახური,
– ამის შესახებ ფრაქცია „ქართული ოცნების” თავმჯდომარე რატი იონათამიშვილმა განაცხადა.
მისივე თქმით, სააკაშვილის კანდიდატურის დასახელებით მისი მხარდამჭერი პარტიები აღიარებენ, რომ ამ დანაშაულში მისი თანამზრახველები არიან.
ივანიშვილი შეეცდება საპრეზიდენტო არჩევნების მეორე ტურის მსგავსად „კარტის გათამაშებას“, ოღონდ წარუმატებლად. ეს არის ის, რომ „თუ ბიძინა არ იქნება, მიშა უნდა იყოს“. ეს ასე არ იქნება, იქნება გარდამტეხი ცვლილებები,
– ამის შესახებ „ევროპული საქართველოს“ ფოთის, ხობისა და სენაკის მაჟორიტარობის კანდიდატმა გიგა ბოკერიამ ჟურნალისტებს განუცხადა, როდესაც უპასუხა მიხეილ სააკაშვილის პრემიერ – მინისტრის კანდიდატად დასახელების შესახებ დასმულ შეკითხვას.
გიგა ბოკერიას განმარტებით, „ევროპული საქართველოსა“ და საზოგადოების დიდი ნაწილის სურვილი ქვეყანაში არსებული რეალობის შეცვლაა.
იურიდიულ საკითხთა კომიტეტის თავმჯდომარის, ანრი ოხანაშვილის განცხადებით, „ნაციონალური მოძრაობისა” და გაერთიანებული ოპოზიციის მიერ პრემიერ-მინისტრობის კანდიდატად მიხეილ სააკაშვილის წარდგენით ამ პარტიების „დანაშაულებრივი მიდგომა გაშიშვლდა”.
როგორც ოხანაშვილი აცხადებს, სააკაშვილის ჩამოსვლის შემთხვევაში სცენარი ისეთივე იქნება, „როგორც ყველა სხვა კრიმინალური მენტალიტეტის და მის მიერ ჩადენილი დანაშაულის შემთხვევაში”
„ამ გადაწყვეტილებით და საერთო ხედვის გაჟღერებით ე.წ. გაერთიანებული ოპოზიციის, რომლებიც, რა თქმა უნდა, მთლიანობაში არის „ნაციონალური მოძრაობა”, გაშიშვლდა კიდევ ერთხელ მათი დანაშულებრივი მიდგომა და ზოგადად, მოხდა ლუსტრაცია ამ დანაშაულებრივი წარმონაქმნის.
ამასთან, როგორც ის აღნიშნავს, „ნაციონალური მოძრაობა” და „ევროპული საქართველო” ერთი მედლის ორი მხარეა.
საპარლამენტო უმრავლესობის წევრის, ნუკრი ქანთარიას განცხადებით, სააკაშვილის განცხადებები და მისი პრემიერად დასახელება უკვე კომედიურ ჟანრს სცილდება.
მომავალში სააკაშვილს ვხედავ გულმოდგინე, ენერგიულ ტუსაღად, რომელიც ძალიან შრომისმოყვარე კაცია, რომელიც კერავს იქ ქუდებს, ხელთათმანებს. კანონი უნდა აღსრულდეს, მისჯილი აქვს და აუცილებლად მოხდება პენიტენციურ დაწესებულებაში, შემდეგ თუ რამე მართლაც არის, შეიძლება სამკურნალო დაწესებულებაში გადავიდეს,“ – განაცხადა ქანთარიამ.
ვაკის მაჟორიტარული ოლქში “ლელო საქართველოსთვის” კანდიდატის, ლევან კობერიძის განცხადებით, “ერთადერთი, ვისაც საქართველოში მიხეილ სააკაშვილის დაბრუნების დაანონსება უხარია, “ქართული ოცნებაა”.
“ეს არის ისევ ყავლგასული ორპოლუსიანობის პოლიტიკური სპექტაკლი, რომელსაც გვთავაზობს ეს ორი პოლუსი. მთავარი გამოწვევა მთლიანად პოლიტიკური სპექტრის, მოსახლეობისა და არჩევნების არის სწორედ ამ ორპოლუსიანობის გარღვევა. “ლელო” არის პარტია, რომელიც შეძლებს რომ ეს გააკეთოს არჩევნებზე”, – განაცხადა კობერიძემ.
ფრაქცია „ნაციონალური მოძრაობის” თავმჯდომარე რომან გოცირიძე აცხადებს, რომ
მმართველ გუნდს მიხეილ სააკაშვილის საარჩევნო კამპანიაში ღიად ჩართვასთან დაკავშირებით აგრესიული, ცინიკური, შეშინებული და სასაცილო კომენტარები ჰქონდა, რაც მეტყველებს იმაზე, რომ ეს მათთვის ძალიან მოულოდნელი აღმოჩნდა.
მისივე თქმით, „მომავალში კიდევ ბევრ სიურპრიზს ვიხილავთ“.
“გვაქვს ნანახი პერიოდი, როდესაც სააკაშვილი ქვეყნის პირველი პირი იყო, ამიტომ მე არ ვფიქრობ, რომ ეს იქნება პოლიტიკური კონსენსუსის და შეთანხმების ნაწილი. პირადად მე ამას არასდროს დავუჭერდი მხარს.
ხალხს უნდა ცვლილება, ივანიშვილის ხელისუფლების შეცვლა, ქვეყანაში უნდა შეცვალოს რეალობა ისე, რომ სრულიად ახალი მოცემულება შექმნას, რომელიც სხვადასხვა პარტიებისგან შემდგარი კოალიციური მთავრობა იქნება, რომელსაც ნდობის მატარებელი, პრინციპული, თანმიმდევრული პოლიტიკოსები უნდა წარმოადგენდნენ, რომლებიც ქვეყნის და საჯარო ინტერესებს პირადზე მაღლა აყენებენ. მე ვისურვებ, რომ ასეთ კოალიციაში დავინახო საკუთარი პარტია და თავი და არ ვიყო მონაწილე იმ მძიმე წარსულისა და აწმყოს, რომლებიც შესაცვლელია”, -განაცხადა ბესელიამ.
„კიდევ ერთხელ გავიმეორებ, მობრძანდეს. ვერავინ და ვერაფერი საარჩევნო პროცესის ნორმალურ, მშვიდ გარემოში ჩატარებას კითხვის ნიშნის ქვეშ ვერ დააყენებს “,-განაცხადა გიორგი გახარიამ.
„არცერთი ლიდერი არ უნდა მოვიდეს ერთპიროვნულად ხელისუფლებაში. ვითარების პოლარიზაცია არც საერთო ოპოზიციის და არც ქვეყნის ინტერესში არ შედის. ეს შედის მხოლოდ ბიძინა ივანიშვილის ინტერესში.
ვადასტურებ, რომ მიხეილ სააკაშვილს უდაოდ ჰყავს საკმაოდ ბევრი მხარდამჭერი, მაგრამ გაცილებით მეტი ადამიანია, ვისაც ყოფილი პრეზიდენტის მომავალ ხელისუფლებაში დაბრუნება არ სურს.
მას შეუძლია სამშობლოში დაბრუნდეს, ამას ვერავინ აუკრძალავს, თუმცა ასეთ შემთხვევაში სააკაშვილი მზად უნდა იყოს იმ გამოცდისთვის, რაც საქართველოში დაბრუნრებისას ელოდება. – განაცხადა „ერთიანი საქართველოს“ ლიდერმა ნინო ბურჯანაძემ.
ცნობისთვის, “ერთიანი ნაციონალური მოძრაობა“ და გაერთიანებაში „ძალა ერთობაშია“ შემავალი პარტიები პრემიერ-მინისტრობის კანდიდატად საქართველოს ყოფილ პრეზიდენტს, მიხეილ სააკაშვილს წარადგენს. როგორც დღეს “ნაციონალური მოძრაობის” თავმჯდომარემ, გრიგოლ ვაშაძემ განაცხადა, აღნიშნული გადაწყვეტილება პარტიებმა ერთხმად მიიღეს.”
