ვიდეოჰოსტინგმა YouTube–მა აკრძალა ისეთი კონტენტის გამოქვეყნება, რომელიც არჩევნების შედეგებს ეჭვქვეშ აყენებს. შეზღუდვები ვრცელდება აშშ-ში ყველა გასული საპრეზიდენტო არჩევნების შედეგებზე, ასევე გერმანიაში 2021 წლის საპარლამენტო არჩევნების შედეგებზე.
ამასთან, YouTube-მა განმარტა, კონკრეტულად რა ტიპის შინაარსს ეხება შეზღუდვები, რომლებიც აშშ-ში გამართულ არჩევნებს ეხება. კერძოდ, აკრძალულია კონტენტის გამოქვეყნება, რომლიც თანახმად 2020 წელს სხვადასხვა შტატში პრეზიდენტობის კანდიდატი ხმების დამთვლელი მანქანების მუშაობაში ხარვეზების გამო ლიდერობდა. აკრძალვა 2016 წლის არჩევნებსაც შეეხო და ინფორმაციას, თითქოს მაშინ გარდაცვლილი ადამიანების ხმებსაც ითვლიდნენ.
იკრძალება ალბი ბიულეტენების შესახებ ინფორმაციის გამოქვეყნებაც, რომლის დახმარებით, თითქოს, ესა თუ ის კანდიდატი კონკრეტულ შტატში იმარჯვებდა.
YouTube–მა ასევე შეზღუდა განცხადებების გამოქვეყნება, თითქოს გერმანიაში არჩევნების შედეგები ფალსიფიკაციამ და სისტემების მუშაობაში არსებულმა ხარვეზებმა გამოიწვია. ამასთან, იკრძალება ვიდეოს გავრცელება, თითქოს ახალი მთავრობა და კანცლერი არალეგიტიმურები არიან.
ჰოსტინგი წაშლის ასეთ კონტენტს და ამის შესახებ მის ავტორს აცნობებს. მეორედ, ის კიდევ ერთ გაფრთხილებას მიიღებს. სამი გაფრთხილების შემდეგ არხი დაიბლოკება.