„თხევად აირზე მომუშავე ავტომობილების ტექინსპექტირების საფასურში ცვლილება შევიდა – ამის შესახებ “მეგა ტვ”-ს შპს “გიომ1”-ის დირექტორმა გიორგი მელაძემ განუცხადა.
როგორც მან აღნიშნა მთავრობის მე-80 დადგენილებაში ცვლილება მიმდინარე წლის 9 იანვარს შევიდა და თხევად აირზე მომუშავე ავტომობილების მფლობელებს მხოლოდ სისტემის შემოწმება მოუწევთ, რისი საფასურიც 250 ლარის ნაცვლად 60 ლარი იქნება. 250 ლარის გადახდა კი 5 წელზე ზემოთ ბალონის მქონე მეპატრონეებს მოუწევთ:
“2020 წლის 9 იანვრას, 2014 წლის 15 იანვარის დადგენილებაში მოხდა ცვლილება, კერძოდ ხდება ავტომობილის მხოლოდ სისტემის შემოწნება, რამაც მოგვცა საშუალება 250 ლარის ნაცვლად ავტომფლობელს გადავახდევინოთ 60 ლარი. სისტემის შემოწმება ხდება 3 წელიწადში ერთხელ. იმ შემთხვევაში თუ ბალონს აქვს მოქმედების ვადა. ბალონი უნდა იყოს 5 წლის. 5 წილს ზემოთ ბალონს უწევს მთლიანად გატესვტა, ამ შემთხვევაში მფლობელს მოუწევს 250 ლარის გადახდა.
2020 წლის 9 იანვრამდე ხდებოდა, როგორც ბალონის ისე სისტემის გატესტვა და მისი ღირებულება იყო 250 ლარი. ახლა კი მხოლოდ სისტემის გატესტვაში იხდის 60 ლარს.
რაც შეეხება 5 წლის ზემოთ გაზის ბალონის გატესტვას მისი ფასი 250 ლარი იქნება, თუმცა ეს დოგმა არ არის და შეიძლება ცვლილება შევიდეს ამ თანხაში. 5 წლის გატესტვის შემდეგ ბალონს ვადა ექნება კიდევ 5 წელი.
შპს “გიომ1” დასავლეთ საქართველოში ერთადერთი ცენტრია, სადაც თხევად აირზე მომუშავე ავტომობილებს ტექინსპექტირების გავლაა შესაძლებელი. სერვის-ცენტრი აბაშიძის #32-ში მდებარეობს. როგორც ცენტრის დირექტორი გიორგი მელაძე “მეგა ტვ”-თან საუბრისას აღნიშნავს მომართვიანობა ამ ეტაპზე არც ისე მაღალია და ისინი სრულად უზრუნველყოფენ მომხმარებლების მომსახურებას. ის ასევე კანონის შემოღების აუცილებლობაზეც საუბრობს:
“აუცილებელია ამ კანონის შემოღება, იქიდან გამომდინარე რომ მოხდა შემთხვევები, როგორც დამუხტვის დროს ისედაც ავტომობილის მოძრაობის დროს. აქ არის ბევრი შემაკავშირებელი კვანძები, რომლის შემოწმებაც აუცილებელია. გვაქვს დანადგარები, რომლითაც ვახდენთ მის შემოწმებას. ვნახულობთ რა მდგომარეობაშია ბალონის სისქე ექსპლუატაციის შემდეგ და შებამისად ვახდენთ მის გამოცდას, როგორც ჰაერზე ისე წყალზე. ამის შემდეგ სრულად დაცულია ავტომოფლობელი უბედური შემთხვევისგან. რაც შეეხება მომართვიანობას ჯერ-ჯერობით გაზრდილი არ არის, დღეის მდგომარეობით ჩვენ სრულად უზრუნველვყოფთ აღნიშნულ მომართვიანობას. 1 იანვირად დღემდე თხევად აირზე მომუშავე ავტომობილის 7-მა მფლობელმა მოგვმართა. ბალონების თითქმის 90% არის ახალი და ამ ეტაპზე მხოლოდ სისტემა მოწმდება და ჩვენი ძალებით შეგვიძლია გავუმკლავდეთ სამუშაოებს.” – აცხადებს გიორგი მელაძე “მეგა ტვ”-თან საუბრისას.
2020 წლის პირველი იანვრიდან ამოქმედებული რეგულაციით, თხევადი გაზის აირბალონიანი შემოწმება სავალდებულო გახდა. მთავრობის მე-80 დადგენილების მე-5 მუხლის მიხედვით, აირბალონი შემოწმებას ექვემდებარება მისი გამოშვებიდან 5 წლის თავზე – ანუ გამოშვებიდან 5 წლის შემდეგ უნდა მოხდეს მისი შემოწება, ხოლო სისტემა კი, ყოველ 3 წელიწადში ერთხელ უნდა მოწმდებოდეს.
