რას მოუტანდა პარლამენტი ქუთაისს, რომ არა ხელისუფლების მტრული გადაწყვეტილება: – ამ სათაურით პოსტს სოციალურ ქსელში თენგიზ თოფურიძე აქვეყნებს.
,,1. ქალაქის საპარლამენტო სტატუსს;
2. ქუთაისის და იმერეთის რეგიონის საერთაშორისო ცნობადობის ამაღლებას, მის ინტეგრირებას ცივილიზებული მსოფლიოს ქალაქებთან და რეგიონებთან;
3. ადგილობრივი და საერთაშორისო მნიშვნელობის საქმიან ვიზიტებს, შეხვედრებს, ღონისძიებებს ქუთაისში და არა მხოლოდ, მთლიანად რეგიონშიც;
4. საგზაო, სატრანსპორტო, წყალგაყვანილობის, სანიაღვრე, საკანალიზაციო, ციფრული, საკომუნიკაციო, კვების, სასტუმრო, მომსახურების, რეკრეაციული, გასართობი და დასასვენებელი ინფრასტრუქტურის განვითარებას;
5. ინვესტორების მაღალ ინტერესს არა მხოლოდ იმერეთის რეგიონის, მთლიანად დასავლეთ საქართველოს მასშტაბით;
6. ახალი სამუშაო ადგილების შექმნას იმერეთის რეგიონში და არა მხოლოდ;
7. დამატებითი ასიგნებების მობილიზებას ქუთაისის ადგილობრივ ბიუჯეტში;
8. ფასების მატებას უძრავ ქონებაზე, არამხოლოდ ქუთაისში, მთლიანად რეგიონში;
9. ქუთაისის, როგორც აგლომერატის პერსპექტივის გაჩენას და საქართველოში მეორე მსხვილი აგლომერაციის პერსპექტივას;
10. რეგიონული უთანასწორობის აღმოფხვრის ხელშეწყობას;
11. მცირე და საშუალო ბიზნესის სექტორის განვითარებას, მთლიანად იმერეთის რეგიონში;
12. ტურიზმის განვითარების ხელშეწყობას, ქუთაისსა და მთლიანად იმერეთის რეგიონში;
13. ემიგრაციის შემცირებას, ახალგაზრდების გადინების კლებას და ადამიანების დაბრუნებას, იმერეთის რეგიონში;
14. ეტაპობრივად, სხვა სამთავრობო, არასამთავრობო და საერთაშორისო ორგანიზაციების წარმომადგენლობების მობილიზებას, პარლამენტის გარშემო;
15.მედიარესურსების მობილიზებას დასავლეთ საქართველოში და პიარს, ყველა მიმართულებით;
16. კრიმინალის შემცირებას და მოსახლეობის უსაფრთხოების, დაცულობის ხარისხის მატებას;
17. კუთხური სეპარაციის ნგრევის პროცესის დაჩქარებას, ჩვენს ცნობიერებაში;
18. მოსახლეობის კმაყოფილებას და ბედნიერების ინდექსის ზრდას.
რომ არა ეს მაჯლაჯუნური გადაწყვეტილება…” – წერს თენგიზ თოფურიძე.
