“ამ ცხოვრების დედაც” – ქუთაისში გვიან ღამით გაკეთებული წარწერები დილით უკვე აღარ იყო. 15 წლის მოზარდის გარდაცვალების გამო შენობებსა და ასფალტზე დაწერილი ფრაზები გასუფთავებული ან თეთრი საღებავით არის გადაღებილი. ჩამოხსნილია ბანერიც, რომელიც აქციის მონაწილეებმა ხიდზე გააკრეს.
[twenty20 img1=”11676″ img2=”11723″ offset=”0.5″]
[twenty20 img1=”11686″ img2=”11722″ offset=”0.5″]
[twenty20 img1=”11673″ img2=”11721″ offset=”0.5″]
[twenty20 img1=”11726″ img2=”11720″ offset=”0.5″]
[twenty20 img1=”11725″ img2=”11724″ offset=”0.5″]
ერთადერთ წარწერაა შემორჩენილი ცენტრალურ ბაღში შადრევანზე.
სამოქალაქო აქტივისტებმა „მწვანე სკოლის“ მოსწავლის, ლუკა სირაძის გარდაცვალების შემდეგ საპროტესტო აქცია გამართეს და ქუჩებში წარწერები „ამ ცხოვრების დედაც“ დატოვეს. ეს ის ფრაზაა, რომელიც 15 წლის მოზარდმა მისი ყოფილი სკოლის კედელზე დატოვა.
მოზარდი მომხდარის გამო პოლიციის განყოფილებაში დაიბარეს, სადაც ოჯახის წევრების თქმით, მასზე ფსიქოლოგიურად იძალადეს, რის გამოც იგი მეცხრე სართულიდან გადმოხტა. ექიმებმა მოზარდის გადარჩენა ვერ შეძლეს.