ქუთაისში, იმერეთის პოლიციის სამხარეო დეპარტამენტის მიმდებარე ტერიტორიაზე აქცია მიმდინარეობს.
https://www.facebook.com/MEGATVgeOfficial/videos/770960176754373/
https://www.facebook.com/MEGATVgeOfficial/videos/2608729969204140/
“ჩვენ აქ შევიკრიბეთ პირველ რიგში იმიტომ რომ გამოვხატოთ სოლიდარობა და მწუხარება. პრობლემის მთავარი ღერძი არის საქართველოში არსებული სამართალდამცავთა ინსტიტუციის არაჰუმანური სისტემა, რომელმაც არაერთი მსხვეპლი დაგვანახა და ეს უნდა დასრულდეს – განაცხადა სამოქალაქო აქტივისტმა აკაკი საღინაძემ.
“ჩვენ რომ პოლიციის სამმართველოს წინ შევიკრიბეთ ეს არ არის შემთხვევითი. პოლიცია არ უნდა კლავდეს, პოლიცია უნდა იცავდეს მოქალაქეებს და ვთვლით რომ საქმე არ უნდა დასრულდეს ერთი კონკრეტული გამომძიებლის დაკავებით. პასუხი უნდა აგონ შსს-ს მაღალჩინოსნებმა” – ამბობს ხვიჩა ვაშაყმაძე
15 წლის ლუკა სირაძე, რომელიც დაკითხვის შემდეგ კორპუსიდან გადმოხტა, გუშინ საავადმყოფოში გარდაიცვალა.
როგორც აქციის ორგანიზატორები აცხადებენ ეს ტრაგიკული ამბავი გვეხება ყველას! საზოგადოების ვადებულებაა ერთად ავიმაღლოთ ხმა იმ დარღვევებზე და მანკიერ მხარეზე, რომელიც არსებობს ბავშვთა უფლებების თვალსაზრისით საქართველოში.
ყველა ბავშვი უნდა იყოს დაცული ნებისმიერ სივრცეში, მასთან უნდა მუშაობდნენ სპეცილისტები, რომლებიც ფლობენ ბავშვის ასაკობრივი თავისებურებების შესახებ ინფორმაციას და არ მიაყენებენ მათ დამატებით ტრავმას, როგორც ფიზიკური ასევე ემოციური თვალსაზრისით.
პოლიციის განყოფილება არის სიმბოლური ლოკაცია, ვინაიდან 15 წლის ლუკა სწორედ ამ სისტემის მხირდან გახდა ემოციური ძალადობის მსხვერპლი, ერთად დავანახოთ ყველა სისტემას, რომ ბავშვის უფლებები და ჭეშმარიტი ინტერესები არის უმთავრესი!!!!” – წერენ აქციის ორგანიზატორები.
