დღეს სასიხარულო ინფორმაცია თბილისის ინფექციური საავადმყოფოს სამედიცინო დირექტორმა მარინა ეგზუბაიამ 12 საათიან ბრიფინგზე განაცხადა. მისი თქმით, პირველი პაციენტის გამოჯანმრთელება დადასტურდა და მეორე გამოჯანმრთელების გზაზე მყოფი პაციენტიც გვყავს. 21 ახალი პაციენტიდან კი 15-ის პასუხი უარყოფითია , დანარჩენთა პასუხები დღეს გახდება ცნობილი. ამასთან, უარყოფითია რიგით მეორე პაციენტის პასუხი მას არ დაუდასტურდა ,,კოვიდ 19″ ვირუსი, თუმცა გამოჯანმრთელებულად განმეორებითი ტესტის უარყოფითი პასუხის შედეგად ჩაითვლება.
ასევე, ისაუბრა 5 არასრულწლოვან პაციენტზე, რომელთა მდგომარეობა სტაბილურია და ავადობის ფორმა მსუბუქი.
„ამ დროისთვის ჩვენს ცენტრში 46 პაციენტი გადის მკურნალობას. გუშინ აღებულ იქნა ტესტირება 21 პაციენტზე. აქედან უკვე ცნობილია 15 პაციენტის პასუხი, რომ არის უარყოფითი. დანარჩენი 6 პაციენტის ანალიზის აღება მოხდა გვიან და დღეს დღის განმავლობაში იქნება, ამ პაციენტებს შორისაა ჩვენი პირველი პაციენტის ტესტირების პასუხი.
შემიძლია ახალი სასიამოვნო ინფორმაცია მოგაწოდოთ. მეორე პაციენტთან, რომელსაც აქვს ირანის მოგზაურობის ისტორია, მეთხუტმეტე დღეზე,გუშინ ჩატარდა ტესტირება და პირველადად უარყოფითი პასუხი იქნა მიღებული. პირველადი ურყოფითი პასუხი ძალიან კარგია, თუმცა 24 საათის ინტერვალში უნდა გაკეთდეს ტესტირება და განმეორებით უარყოფითი პასუხის მიღების შემთხვევაში ვიტყვით, რომ გამოჯანმრთელდა. ამ ორ პაციენტთან დაკავშირებით გვაქვს მდგომარეობა, რომ განმეორებითი ტესტის უარყოფითი პასუხის შემთხვევაში ჩვენ შეგვიძლია ვთქვათ, რომ გამოჯანმრთელება დადგა“,- განაცხადა ეზუგბაიამ.
