ქუთაისელი ტაქსისტი ხვიჩა მამასახლისი მაშინ დააჯრიმეს, როცა თბილისში ქუთაისიდან აყვანილი მგზავრი ჩაიყვანა. მიზეზი ის ახალი რეგულაციებია, რაც ტაქსებზე მხოლოდ დედაქალაქში ვრცელდება, ეს კი ტაქსის ფერი და მანქანაზე განთავსებული სარეკლამო ნიშნებია.
საბოლოო ჯამში მამასახლისს 125 ლარიანი შეკვეთიდან 200 ლარიანი ჯარიმა შერჩა ხელში. უკვე ვეღარ დავდივართ თბილისის შეკვეთებზე განაცხადა მან. მამსახლისს ჯარიმა ჯერ არ გადაუხდია. ტაქსის მძღოლი საკითხის გასაჩივრებას სასამართლოში გეგმავს. იგი თბილისის მერიას დედაქალაქში ჩასული ტაქსისტებისათვის შეღავათების დაწესებისკენ მოუწოდებს.
რეფორმის აზრი საერთოდ გაუგებარია პარტია თავისუფალი საქართველოს თანათავმჯდომარე გოგი წულაისთავის:
„რეფორმამ ხალხს სიკეთე უნდა მოუტანოს. ამ რეფორმაში კი რას ხედავს სასიკეთოს თბილისის მერია“- განაცხადა მან.
“აღარ გავუშვებთ სარეკლამო სტიკერებიან მანქანებს თბილისის შეკვეთაზე” – ასე გვპასუხობენ ტაქსის კომპანიაში, რომელშიც ხვიჩა მამსახლისია დასაქმებული. სხვა არაფაერი შეგვიძლია განმარტავენ ისინი.
თუ რა გადაწყვეტას მოუფიქრებს ამ ახალ პრობლემას თბილისის მერია ან საერთოდ მოუფიქრებს თუ არა უცნობია. იქამდე კი ქუთაისელ ტაქსისიტებს თბილისში ჩასვლისგან თავშეკავება მოუწევთ.