როგორ უნდა მოვერიოთ და დავძლიოთ თვითიზოლაციის დროს სტრესი, როგორ უნდა მივუდგეთ ყოველდღიურ რუტინას, როგორ უნდა მოვიქცეთ ბავშვებთან და რა კავშირია შიშსა და იმუნურ სისტემას შორის. დღეისათვის ყველასთვის მნიშვნელოვან საკითხებზე “მეგა ტვ” ფსიქოლოგს, ფსიქოთერაპევტს, ნლპ ოსტატსადა კვებითი ქცევის სპეციალისტს თამარ ბასიაშვილს ესაუბრა.
რა რჩევები შეიძლება მივცეთ თვითიზოლაციაში მყოფ ადამიანებს,რომ ფსიქოლოგიური სტრესი შეამცირონ?
– მთავარია მივიღოთ რეალობა, და რომ თვითიზოლაცია არ არის იძულებით დაწესებული, რომ ჩვენი როლი და სოციალური მნიშვნელობა არის მთავარი ამ პერიოდში.
რა სიმპტომები შეიძლება ახასიათებდეს სტრესის დროს თვითიზოლაციის პერიოდში ადამიანს?
– სტრესის დროს სხვადასხვა ფიზიკური შეგრძნებები შეიძლება გვქონდეს: თავის ტკივილი, სისუსტე, გულის არეში დისკომფორტი , უძილობა და ა. შ, ასევე თუ ადამიანს ახასიათებს რაიმე ტიპის მავნე ჩვევა, როგორიცაა ალკოჰოლზე ან საკვებზე დამოკიდებულება, ან დამოკიდებულია აზარტულ თამაშებზე , შესაძლოა კიდევ უფრო მეტად დამოკიდებული გახდეს, რაც თავისთავად უფრო მეტად დაამძიმებს მის მდგომარეობას. ამიტომ, საჭიროა ყოველი დღე დავგეგმოთ, შევავსოთ ყოველდღიური რუტინით, ვიფიქროთ და აღმოვაჩინოთ ახალი რესურსები და შესაძლებლობები საკუთარ თავში, დავიცვათ კვების და ძილის რეჟიმი.
არსებობს თუ არა კავშირი შიშსა და იმუნიტეტს შორის?
– არამხოლოდ შიში ასევე ნებისმიერი უარყოფითი ემოცია, განცდა რა თქმა უნდა აქვეითებს ადამიანის იმუნურ სისტემას. იმუნიტეტი ხომ ადამიანის დამცავი ბარიერია და ასევე ის რეკომნდაციები, რასაც დღესდღეობით გასცემს ჯანდაცვის სამინისტრო. პოზიტიური განწყობა, ბედნიერების განცდა, პოზიტიური აზროვნება აძლიერებს იმუნურ სისტმას, რადგან გამოიყოფა დადებითი ჰორმონები, რომელიც თავისთავად დადებითად მოქმედებს ჩვენს იმუნურ სისტემაზე.
რა რჩევები უნდა გავითვალისწინოთ მოზარდებისა და მცირე ასაკის ბავშვებთან, რომ ნაკლებად უვნებელი გავხადოთ თვითიზოლაციის პერიოდი?
– მნიშვნელოვანია სწორად დავგეგმოტ მათი ყოველდღიური ცხოვრება. დოზირებულად მივაწოდოთ ინფორმაცია რეალურ მდგომარეობაზე. არ არის აუცილებელი მათი თანდასწრებით მოვუსმინოთ ახალ ინფორმაციებს. აქტივობები შეგვიძლია დავგეგოთ როგორიცაა ხატვა, ცეკვა და ასე შემდეგ. ყველაზე მთავარი არის ასევე ვიზრუნოთ მათ ფსიქო-ეკოლოგიურ გარემოზე. სურვილი უნდა იყოს ერთი, რასაც ერთად გავაკეთებთ.
გაითვალისწინეთ რჩევები, დაგეგმეთ ყოველ დღე ახალი აქტივობები და არ დაგავიწყეთ თქვენი უსაფრთოხებისთვის დარჩით სახლში.
ავტორი: თიკო კიკაბიძე
