LIVE TV
  • ჩვენ შესახებ
  • რეკლამა/ინტერნეტი
  • კონტაქტი
megatv.ge
No Result
View All Result
ახალი ამბები
12+
  • მთავარი
  • ახალი ამბებიNEWS
    • რეგიონები
    • საზოგადოება
    • პოლიტიკა
    • ეკონომიკა
    • მსოფლიო
    • კულტურა
    • სპორტი
    • მოქალაქე ჟურნალისტი
    • საინტერესოა
      • საინტერესო სიახლეები
      • ჰოროსკოპი
  • არჩევნები2020
    • კანდიდატები
  • ვიდეოთეკაVIDEO
    • გადაცემები
      • შუადღე ქუთაისში
      • დისკურსი
      • სალომეს ბაღი
    • მულტიმედია
  • ქვიზიQuiz
No Result
View All Result
megatv.ge
No Result
View All Result
“მოძალადე პირის დასასჯელად, პროკურატურა ჯეროვნად და ეფექტიანად არ იძიებს საქმეს.” – „კოალიცია თანასწორობისთვის“ თამთა თოდაძის საქმეზე

“მოძალადე პირის დასასჯელად, პროკურატურა ჯეროვნად და ეფექტიანად არ იძიებს საქმეს.” – „კოალიცია თანასწორობისთვის“ თამთა თოდაძის საქმეზე

დაპოსტა 2019/10/08-ში
A A
136
ნახვა
გაზიარება

“გარემოება აჩენს ეჭვს, რომ მოძალადე პირის დასასჯელად, პროკურატურა საქმის კონტექსტის გათვალისწინებით, ჯეროვნად და ეფექტიანად არ იძიებს საქმეს.” – „კოალიცია თანასწორობისთვის“ თამთა თოდაძის საქმეზე განცხადებას ავრცელებს.

“მეგა ტვ” ტექსტს უცვლელად გთავაზობთ:

„კოალიცია თანასწორობისთვის“ სოლიდარობას უცხადებს თამთა თოდაძეს და პროკურატურას ქალის მიმართ სექსუალური და ფიზიკური ძალადობის შემაშფოთებელი შემთხვევის დროული და ეფექტიანი გამოძიებისკენ მოუწოდებს. სავარაუდო ბრალდებული პირის თანამდებობრივი სტატუსის გათვალისწინებით, კოალიცია ასევე მოუწოდებს ხელისუფლების წარმომადგენლებს, შეინარჩუნონ ობიექტურობა ამ საქმეზე საჯარო პოზიციონირების დროს და საკუთარი განცხადებებით ხელი არ შეუწყონ ქალთა მიმართ ძალადობის შეწყნარებასა და ლეგიტიმაციას.

2019 წლის 4 ოქტომბერს მედიით გავრცელდა ინფორმაცია, რომ თბილისის საკრებულოს ისნის რაიონის მაჟრიტარი წევრი ილია ჯიშკარიანი, გაუპატიურების მიზნით, თავს დაესხა მისივე ბიუროს თანამშრომელს, თამთა თოდაძეს. თამთა თოდაძისგან უარის მიღების შემდეგ, ილია ჯიშკარიანი მის დამორჩილებას შეეცადა და ფიზიკურად იძალადა. მედიაში გავრცელებულ ინტერვიუში, მსხვერპლი იხსენებს, რომ საკრებულოს დეპუტატი მას წიხლებით და ხელებით ურტყამდა. მას შემდეგ, რაც ქალმა მოძალადეს, თავდაცვის მიზნით მიუთითა, რომ იგი ტელეფონით იწერდა მომხდარს და ამის გამო მას პასუხი მოეთხოვებოდა, დეპუტატმა ქალს მობილური ტელეფონი დაუმტვრია. საბოლოოდ, თამთა თოდაძემ მოძალადისგან თავის დაღწევა და კაბინეტიდან გაქცევა მოახერხა, თუმცა, ცემის დროს, მძიმე ფიზიკური დაზიანებები მიიღო. მსხვერპლს უკვე ჩაუტარდა სამედიცინო ექსპერტიზა ფიზიკურ დაზიანებებზე, რომლებიც მას შემთხვევიდან ერთი კვირის შემდეგაც ეტყობოდა. თავდასხმის დროს, ილია ჯიშკარიანმა დაამტვრია მის ოფისში განთავსებული კომპიუტერული ტექნიკაც.[1]

დაზარალებული და მისი ადვოკატი აცხადებენ, რომ საგამოძიებო ორგანოები სათანადოდ არ იძიებენ საქმეს. კერძოდ, მიუხედავად იმისა, რომ დაზარალებულმა მომხდარის შესახებ მალევე აცნობა პოლიციას, მაჟორიტარი დეპუტატის ოფისის ბიუროში ჩხრეკა დაგვიანებით (შემთხვევიდან დაახლოებით 9 საათში), ოფისის დალაგების შემდეგ ჩატარდა.[2] საქმეზე ილია ჯიშკარიანის გამოკითხვაც ასევე დაგვიანებით მოხდა. პროკურატურას თამთა თოდაძისთვის დაზარალებულის სტატუსი დღემდე არ მიუნიჭებია. სტატუსის გარეშე კი ადვოკატებს არ აქვთ შესაძლებლობა, გაეცნონ საქმის მასალებს. ცხადია, ყველა ეს გარემოება აჩენს ეჭვს, რომ მოძალადე პირის დასასჯელად, პროკურატურა საქმის კონტექსტის გათვალისწინებით, ჯეროვნად და ეფექტიანად არ იძიებს საქმეს.

პატრიარქალურ საზოგადოებაში ქალის მიმართ ჩადენილი ძალადობის შესახებ საუბარს ყოველთვის თან სდევს სტიგმა. მსგავსი ძალადობის შემთხვევებზე პატრიარქალური ლოგიკა ისევ ქალს აკისრებს პასუხისმგებლობას და მის დადანაშაულებას ცდილობს. თამთა თოდაძის მხრიდან, მასზე ძალადობის ფაქტზე საჯაროდ ლაპარაკი, არსებითად მნიშვნელოვანია ქალთა მიმართ ძალადობის პრაქტიკების გამოვლენის, კრიტიკისა და მსხვერპლების მხარდაჭერისთვის. მსხვერპლი ქალის, ისედაც მოწყვლადი, მდგომარეობა კიდევ უფრო მძიმდება მაშინ, როცა პოლიტიკური ნების არარსებობის გამო, სახელმწიფო უმოქმედობას და გულგრილობას იჩენს. ასეთ ვითარებაში, განსაკუთრებით მნიშვნელოვანია, საქმეზე ეფექტიანი, სწრაფი და ობიექტური გამოძიების ჩატარება. გამოძიება არ უნდა ტოვებდეს მიკერძოებულობის აღქმას საზოგადოებაში. თამთა თოდაძის საქმის კონტექსტის გათვალისწინებით, კიდევ უფრო მნიშვნელოვანია, სავარაუდო ბრალდებულ ჩინოვნიკს მართლმსაჯულების სისტემამ სათანადო პასუხისმგებლობა დააკისროს და არ შეიწყნაროს ძალადობა.

მნიშვნელოვანია, მაღალი პოლიტიკური თანამდებობის პირებმა განცხადებებით დაგმონ ქალის მიმართ ჩადენილი ძალადობა ისე, რომ სავარაუდო ძალადობის ჩამდენი პირის მხარდაჭერისა და გამოძიების პროცესზე ზემოქმედების მცდელობის განცდა არ დატოვონ. ამ მხრივ, აღსანიშნავია, ქალაქ თბილისის მერის კახა კალაძის განცხადება, რომელმაც თქვა, რომ მისთვის წარმოუდგენელია, დავით ჯიშკარიანს ძალადობა ჩაედინა.[3] ასევე, საგანგაშოა მერიის წარმომადგენლების და მმართველ პარტიასთან დაკავშირებული პირების საჯარო განცხადებები, რომლებშიც ისინი მომხდარში ძალადობის მსხვერპლს ადანაშაულებენ და შეურაცხყოფას აყენებენ მას.

მნიშვნელოვანია, რომ სახელმწიფო თანამდებობის პირების განცხადებები არ აღიქმებოდეს ორაზროვნად და ხელისუფლების პოზიცია, პირველ რიგში, ძალადობისა და დანაშაულის მკაფიო კრიტიკაზე იყოს აქცენტირებული. ქალებზე ძალადობის მიმართ ხელისუფლების რბილი და შემგუებლური დამოკიდებულება ხელს უშლის მსგავსი დანაშაულების პრევენციას, ახალისებს ძალადობას და ლეგიტიმურობას უკარგავს სამართლებრივი სახელმწიფოს იდეას.

ამასთან, არსებითია, თამთა თოდაძის საქმის მედიაში გაშუქების დროს, ჟურნალისტებმა არ მოახდინონ მსხვერპლის მეორადი ვიქტიმიზაცია და მისთვის ღირსების შემლახავი და დამაზიანებელი კითხვების დასმა.

ზემოთ აღნიშნულის გათვალისწინებით, მოვუწოდებთ

შინაგან საქმეთა სამინისტროს და პროკურატურას, დროულად ჩაატაროს ყველა საჭირო საგამოძიებო მოქმედება, რაც უზრუნველყოფს თამთა თოდაძის მიმართ სავარაუდო ძალადობის საქმის ეფექტიან, დროულ და დამოუკიდებელ გამოძიებას, დამნაშავის დასჯას. მიენიჭოს თამთა თოდაძეს დაზარალებულის სტატუსი.

მაღალი თანამდებობის პირებს, თავი შეიკავონ განცხადებებისაგან, რომლებიც პირდაპირ ან ირიბად მხარს უჭერს ქალის მიმართ ძალადობის სავარაუდოდ ჩამდენ პირს და ამით კიდევ უფრო ახალისებს ძალადობას.

მედია საშუალებებს, ქალთა ძალადობის შემთხვევების გაშუქების დროს, დაიცვან ჟურნალისტური ეთიკის სტანდარტები, მსხვერპლის ინტერესები, ღირსება და მისი პირადი სივრცე. სათანადოდ გაიაზრონ ქალთა მიმართ ძალადობის პრობლემა და მასშტაბი.” – ნათქვამია განცხადებაში.

განცხადებას ხელს აწერენ „კოალიცია თანასწორობისთვის“ წევრი ორგანიზაციები:

  • საქართველოს ღია საზოგადოების ფონდი(OSFG)
  • ადამიანის უფლებათა სწავლებისა და მონიტორინგის ცენტრი(EMC)
  • კონსტიტუციის 42-ე მუხლი
  • კავშირი „საფარი“
  • საქართველოს ახალგაზრდა იურისტთა ასოციაცია (GYLA)
  • ქალთა ინიციატივების მხარდამჭერი ჯგუფი (WISG)
  • პარტნიორობა ადამიანის უფლებებისთვის (PHR)
  • საქართველოს დემოკრატიული ინიციატივა (GDI)
  • ტოლერანტობისა და მრავალფეროვნების ინსტიტუტი (TDI)
  • ადამიანის უფლებათა ცენტრი (HRC)
თეგები: თამთა თოდაძეილია ჯიშკარიანისექსუალური ძალადობაძალადობა
გაზიარება73

დაკავშირებული -პოსტები

შსს თბილისში, ამაღლების ქუჩაზე მომხდარის შესახებ განცხადებას ავრცელებს

by მეგა TV
ივლისი 11, 2025
0
მე-8 კლასელი გოგონას მიერ ბავშვის გაჩენის ფაქტზე გამოძიება დაიწყო
მთავარი

თბილისში, ამაღლების ქუჩაზე მომხდარი ინციდენტის შესახებ შინაგან საქმეთა სამინისტრო განცხადებას ავრცელებს. განცხადების თანახმად, მოპედის მძღოლმა, რომელიც ამაღლების ქუჩაზე გადამოწმების მიზნით შეაჩერეს, სამართალდამცველებს სიტყვიერი შეურაცხყოფა მიაყენა. ასევე, მსუბუქი ავტომობილის მძღოლის დაკავებისას,...

დაწვრილებითDetails

საგამოძიებო სამსახურმა ივლისში სხვადასხვა სახის დანაშაულებრივი ქმედება გამოავლინა

by მეგა TV
ივლისი 11, 2025
0
საგამოძიებო სამსახურმა ივლისში სხვადასხვა სახის დანაშაულებრივი ქმედება გამოავლინა
მთავარი

საქართველოს ფინანსთა სამინისტროს საგამოძიებო სამსახური საფინანსო-ეკონომიკურ სფეროში ჩადენილი დანაშაულების გამოვლენა-აღკვეთის მიზნით აქტიურ მუშაობას განაგრძობს. უწყებამივლისში სხვადასხვა სახის დანაშაულებრივი ქმედება გამოავლინა. 4 ივლისს, საგამოძიებო სამსახურის თანამშრომლების მიერ გატარებული ოპერატიულ-სამძებრო ღონისძიებებისა და...

დაწვრილებითDetails

ზოდიაქოს ორი ნიშნისთვის ცხოვრების ურთულესი პერიოდი ამ დღეებში დასრულდება

by მეგა TV
ივლისი 11, 2025
0
ზოდიაქოს ამ ნიშნებს სიზმარში მომავლის დანახვა შეუძლიათ
მთავარი

რას მოიტანს ურანი ტყუპებში? ურანი ასოცირდება მოულოდნელ ცვლილებებთან, სიახლეებთან, პროგრესთან.ტყუპში მისი გავლენა გამძაფრებულად მოქმედებს: ცნობისმოყვარეობაზე სწრაფ ინტელექტზე უნიკალურ ხედვაზე თავისუფლებაზე აზროვნებაში ურანის ჰარმონიული კავშირები სატურნთან, პლუტონთან და ნეპტუნთან ქმნის იშვიათად...

დაწვრილებითDetails

პოლიციამ კაცი ძალის გამოყენებით დააკავა, რის შემდეგაც პენსიონერმა გონება დაკარგა

by მეგა TV
ივლისი 11, 2025
0
პოლიციამ კაცი ძალის გამოყენებით დააკავა, რის შემდეგაც პენსიონერმა გონება დაკარგა
მთავარი

პოლიციამ კაცი ძალის გამოყენებით დააკავა, რის შემდეგაც პენსიონერმა გონება დაკარგა - შემთხვევა თბილსის ცენტრში მოხდა. კადრები სოციალურ ქსელში ვრცელდება, სადაც ჩანს და ისმის, როგორ ესარჩლება ასაკიანი მამაკაცი პირს, რომელთანაც პოლიციას სიტყვიერი შელაპარაკება...

დაწვრილებითDetails

ზოდიაქოს რომელ ნიშნებს ჰყავს ყველაზე ძლიერი მფარველი ანგელოზი

by მეგა TV
ივლისი 11, 2025
0
„არ გამოტოვოთ, ჯადოსნური დრო, 08:08“ – ასტროლოგი ზოდიაქოს ნიშნებს მოუწოდებს
მთავარი

ჩვენს ცხოვრებაში არის მომენტები, როცა ლოგიკა დუმს, მაგრამ გული ჩუმად გვეუბნება — „ვიღაცამ დაგიცვა“. იქნებ ეს მართლაც შენი ანგელოზი იყო? ასტროლოგების რწმენით, ყველა ადამიანს დაბადებიდან ჰყავს მფარველი ანგელოზი, თუმცა ზოგიერთი...

დაწვრილებითDetails

ზოდიაქოს 3 ნიშნის ცხოვრება ზაფხულის ბოლომდე მნიშვნელოვნად შეიცვლება

by მეგა TV
ივლისი 11, 2025
0
ზოდიაქოს 4 ყველაზე ქარიზმატული ნიშანი
მთავარი

მშვილდოსანი მშვილდოსნებისთვის შესაძლოა, ზაფხულის დასაწყისი შედარებით რთული იყო. ბევრმა ვალდებულებამ, პასუხისმგებლობამ და შესასრულებელმა საქმემ ერთად მოიყარა თავი, მაგრამ მომდევნო ორი თვე დიდ სიურპრიზს გიმზადებთ. სწორედ ამ პერიოდში გექნებათ შანსი, დაიწყოთ...

დაწვრილებითDetails

რა ლოცვა იკითხება და რა უნდა ვიცოდეთ პეტრე-პავლობის დღესასწაულზე

by მეგა TV
ივლისი 11, 2025
0
რა ლოცვა იკითხება და რა უნდა ვიცოდეთ პეტრე-პავლობის დღესასწაულზე
მთავარი

12 ივლისს პეტრე – პავლობაა.  რა ლოცვა იკითხება და რა უნდა ვიცოდეთ ამ დღესასწაულის შესახებ. ეს ორი დიდი პიროვნებაა, რომლებიც სრულიად განსხვავდებიან ერთმანეთისგან. პეტრე არის უბრალო მეთევზური, პავლე ფრიად განსწავლული...

დაწვრილებითDetails

“საქართველოს ტერიტორიაზე ჰაერში მყარი ნაწილაკების შემცველობის მატება ფიქსირდება” -გარემოს ეროვნული სააგენტო

by მეგა TV
ივლისი 11, 2025
0
გარემოს ეროვნული სააგენტო განცხადებას ავრცელებს
მთავარი

დღეიდან საქართველოს ტერიტორიაზე ჰაერში მყარი ნაწილაკების შემცველობის მატება ფიქსირდება, რაც ტრანსასაზღვრო დაბინძურებას უკავშირდება - ინფორმაციას გარემოს ეროვნული სააგენტო ავრცელებს. "11 ივლისიდან საქართველოს ტერიტორიაზე ატმოსფერულ ჰაერში ფიქსირდება მყარი ნაწილაკების (PM10, PM2.5)...

დაწვრილებითDetails

“„ოცნება“ რუსთაველის გამზირზე მორიგ სიმულაციას ატარებს, რაც კობახიძეს არ გაუჭირდება” – „გახარია საქართველოსთვის“

by მეგა TV
ივლისი 11, 2025
0
მთავარი

„გახარია საქართველოსთვის“ პოლიტიკური საბჭოს წევრის, გიგა ფარულავას განცხადებით, „ქართული ოცნება“ რუსთაველის გამზირზე „მორიგ სიმულაციას ატარებს“. ამის შესახებ მან პროკურატურის მიერ გავრცელებულ ინფორმაციასთან დაკავშირებით აღნიშნა, რომლის მიხედვითაც, სტრასბურგის სასამართლოს გადაწყვეტილების შესაბამისად, 2019...

დაწვრილებითDetails

„ორდაბასთან“ მეორე ტაიმი კარგად ჩავატარეთ, წინ მეორე, კიდევ უფრო რთული მატჩია “- „ტორპედოს“ მთავარი მწვრთნელი

by მეგა TV
ივლისი 11, 2025
0
„ორდაბასთან“ მეორე ტაიმი კარგად ჩავატარეთ, წინ მეორე, კიდევ უფრო რთული მატჩია “- „ტორპედოს“ მთავარი მწვრთნელი
მთავარი

ქუთაისის „ტორპედოს“ მთავარმა მწვრთნელმა დირკ შუსტერმა კონფერენსლიგის პირველი საკვალიფიკაციო რაუნდის საწყის მატჩში ყაზახურ „ორდაბასთან“ მოგებული (4:3) შეხვედრა შეაფასა. „ვფიქრობ, რამდენიმე ეპიზოდში აშკარად არ გაგვიმართლა. 1:0 ვიგებდით, მაგრამ ელემენტარული შეცდომების გამო სამწუთიან მონაკვეთში...

დაწვრილებითDetails

კატეგორიები


  • მთავარი
  • ახალი ამბები
  • ქვიზი
  • ჯგუფი

© 2023 TV Company MegaTV - ტელეკომპანია "მეგატვ"

No Result
View All Result
  • მთავარი
  • ახალი ამბები
    • რეგიონები
    • საზოგადოება
    • პოლიტიკა
    • ეკონომიკა
    • მსოფლიო
    • კულტურა
    • სპორტი
    • მოქალაქე ჟურნალისტი
    • საინტერესოა
      • საინტერესო სიახლეები
      • ჰოროსკოპი
  • არჩევნები
    • კანდიდატები
  • ვიდეოთეკა
    • გადაცემები
      • შუადღე ქუთაისში
      • დისკურსი
      • სალომეს ბაღი
    • მულტიმედია
  • ქვიზი

© 2023 TV Company MegaTV - ტელეკომპანია "მეგატვ"