თანამედროვე რეალობაში კომფორტი უმნიშვნელოვანესი რამ არის. ტექნოლოგიური სიახლეები სულ უფრო იხვეწება და ჩვენს ყოველდღიურობაზე მორგებული ხდება.
წარმოგიდგენთ რამდენიმე ინოვაციურ გამოგონებას, რომლებიც ცხოვრებას კიდევ უფრო გაამარტივებს და შეცვლის
1) თვითმავალი სატვირთო მანქანები (ხელმოსაწვდომობა – 5-10 წელი)
კონპანია „Otto” (აშშ, სან-ფრანცისკო) აქტიურად ცდის ახალ ტექნოლოგიას, რომელიც გახდის შესაძლებელს სატვირთო მანქანების დამოუკიდებლად რეისში გასვლას. ამით შესაძლებელი იქნება საწვავის ეკონომია, სატრანსპორტო დანახარჯების და ავტოავარიების რაოდენობის შემცირება. ავტონომიური მართვის მოწყობილობაში შედის 4 ვიდეოკამერა, რადარი, ლაზერული ლოკატორი და მძლავრი კომპიუტერი, რომელიც აანალიზებს სხვა დანადგადების მიერ მიწოდებულ ინფორმაციას. პირველი თვითმავალი სატვირთო მანქანა კომპანია Otto-მ 2016 წელს დატესტა.
2) სახე, როგორც საშვი და გადახდის საშუალება (უკვე ხელმისაწვდომია)
სახის გამოცნობის ტექნოლოგია სულ უფრო აქტიურად გამოიყენება ბოლო დროს ჩინეთში როგორც უსაფრთხოების დარგში, ასევე მომსახურების სფეროში. ერთ-ერთი კომპანია, რომელიც საქმიანობს ამ მიმართულებით, არის პეკინური Face+. მის მიერ დამუშავებული ტექნოლოგიები ახდენენ ადამიანის სახის სკანირებას 83 წერტილში, რაც უზრუნველყოფს გამოცნობის მაღალ სიზუსტეს. სისტემა უკვე გამოიყენება ფულის გადარიცხვის სერვის Alipay-ს მიერ, რომელსაც ჩინეთში 120 მლნ.-ზე მეტი მომხმარებელი იყენებს. ჩინეთის ხელისუფლება იყენებს ამ ტექნოლოგიას ეჭვმიტანილი პირების ძებნის მიზნით.
3) სამყარო ნაბახუსევის გარეშე
ლონდონში უკვე ახლოს არიან ისეთი ალკოჰოლური სასმელის გამოგონებასთან, რომელიც მეორე დღეს ნაბახუსევს არ იწვევს. ჯგუფმა, რომელსაც დევი ნატომი ხელმძღვანელობს, მიიღეს 6 ნაერთისგან შემდგარი ელემენტი, რომელიც ბენზოდიაზეპამთან სტრუქტურულად ძალიან ახლოს დგას. ალკოჰოლის შემცვლელს არ გააჩნია სუნი და თავისუფლად შეიძლება ნებისმიერ უალკოჰოლო სასმელში ჩამატება, როდესაც გამოფხიზლება მოგინდებათ მხოლოდ სპეციალური წამლის მიღება იქნება საჭირო.
4) რობოტი მოსამსახურე
რობოტი შიდამოსამსახურის წინაპრად შეიძლება მტვერსასრუტიც მივიჩნიოთ, თუმცა მას შემდეგ მოთხოვნები გაიზარდა და იდეალური რობოტ–დამხმარე ტულაეტის წმენდასთან ერთად დაბრაწულ ღვეზლებსაც უნდა აცხობდეს. რობოტიკოსები ერთგულად მიყვებიან საკუთარ პრინციპს „თუ ადამიანს რამე სურს, რობოტი ამას გააკეთებს“ და იაპონიის ტექნოლოგიურ გამოფენებზე სულ უფრო და უფრო დახვეწილი „ქმნილებები“ გამოჰყავთ.
მთავარი მიზანი იდეალური რობოტის განვითარებისას მისი სოციალურობა, ადამიანებთან კონტაქტისა და სიტუაციის მიხედვით ანალიზისა და შესაბამისი ქმედების უნარია, რაც მოითხოვს, რომ რობოტს დამოუკიდებელი აზრონების უნარი უნდა ჰქონდეს. ეს კი ეწინააღმდეგება თავად რობოტის არსს.
5) ერთი ბილეთი მარსამდე, თუ შეიძლება“ – ამ წინადადების წარმოთქმას წუთი წუთზე ველოდებით მას შემდეგ, რაც 1969 წელს Apolo 11 მთვარეზე დაეშვა.
1946 წელს კოსმოსის მკვლევარმა გერმანელმა მეცნიერმა დოქტორ ვერნჰერ ვონ ბრაუნმა წარმოადგინა საკმაოდ ზუსტად გათვლილი, 70 ასტრონავტისგან შემდგარი პროექტი მარსზე ქსპედიციისა. რაც არ უნდა გასაკვირი იყოს, ის დღესაც კი ტექნიკურად ყველაზე გამართულ, დაზუსტებულ და განხორციელებად პროექტად ითვლება. აშშ და რუსეთი ინტენსიურად მუშაობს ამ საკითხზე. შეიძლება ითქვას, რომ არამარტო მეცნიერებისთვის, არამედ პოლიტიკოსებისთვისაც კი, წითელი პლანეტის მონახულება დედამიწელთა ყველაზე მნიშვნელოვანი, ამბიციური და გრანდიოზული მიზანია.
