დღეს დილით თბილისში ქალი მოკლეს, შემდეგ კი ბინაში ხანძარი გააჩინეს. როგორც გაირკვა მოკლული ქალი 62 წლის რიმა მირზოევაა. შემთხვევა თბილისში თემქაზე ზღვის უბნის მე-11 რაიონში 39-ე კორპუსში
გავრცელებული ინფორმაციით, გარდაცვლილის მეუღლე უძრავი ქონების აგენტია,მათი შვილი კი ამჟამად გერმანიაში ცხოვრობს.
ხანძარი მეზობლებმა შენიშნეს და სამაშველო ჯგუფი გამოიძახეს. სამაშველო ჯგუფმა ბინაში რიმა მირზოევას ცხედარი აღმოაჩინა. გარდაცვლილს ჭრილობები თავის არეში აქვს მიყენებული.
ახლობლების განცხადებით, ბინიდან ნივთებია წაღებული , არსებული ერთ-ერთი ვერსიით, მკვლელობის მოტივი ქურდობას უკავშირდება.
საგამოძიებო მოქმედებები გრძელდება. საქმე სისხლის სამართლის კოდექსის 108-ე, განზრახ მკვლელობის მუხლით დაიწყო
