„ვოლსკი არის ძალიან დიდი ხნის აგენტი რუსეთი КГБ-სი. ეს ჩვენთვის კარგად იყო ცნობილი. ის არის პირდაპირი აგენტი რუსული სპეცსამსახურების.. მაგრამ ვოლსკი მარტო ვოლსკი ხომ არ არის, მისი პირით ლაპარაკობს ივანიშვილი და რუსეთი.
მე, მიხელ სააკაშვილმა, არამხოლოდ არ მივატოვე საქართველო, როდესაც პირადად დამემუქრა პუტინი და მე ვარ ერთადერთი ადამიანი, ვინც ცოცხალი დადის მას შემდეგ, რაც პუტინი საჯაროდ დაემუქრა ჩამოკიდებით, მოკვლით და ასე შემდეგ.
დაე, ჩამოვიდნენ, დაე, დამიჭიროს, დაე ჩამომკიდოს, დაე მომკლას, არასოდეს მე ჩემს ქვეყანას არ მივატოვებ და არ ვუღალატებ, არასოდეს მოვაწერ ხელს მის დაშლას და ჩვენ მივაღწიეთ ისეთ ხელშეკრულებას, რომლითაც დაცული იყო საქართველოს ტერიტორიული მთლიანობა.
და ეს ვოლსკი მაშინ იყო ხვრელში, ეს ვირთხა და არარაობა და სხვა არარაობები, რომლებიც იქ იყვნენ, როცა ჩვენ ყველანი ყოველ წამს ვრისკავდით ჩვენს სიცოცხლეს და როდესაც მას შემდეგ რუსეთი არ ჩერდება და განაგრძობს ქართველ გმირებზე შურისძიებას, სადაც კი იპოვის მათ. უკრაინაში მოკლეს ამას წინათ ის უკრაინელი ინჟინერი, რომელიც ეხმარებოდა ქართველ სამხედროებს. ჩვენს სამხედროებს დასდევენ და აგრძელებენ დევნას მთელ მსოფლიოში.
ეს არის სირცხვილი, რომ ასეთ ადამიანებს, პირდაპირ რომ ვთქვათ, ვაბლატავებთ. ანწუხელიძის სამშობლოში ვოლსკი როგორ უნდა იღებდეს ხმას, ყველაფერს ხომ აქ საზღვარი. სადამდე უნდა ვითმინოთ ეს წარმოუდგენელი ღალატის ქრონიკა. საქართველოს, სამწუხაროდ, მოღალატეები ყოველთვის ჰყავდა, მაგრამ საბედნიეროდ, ყოველთვის ჰყავდა ანწუხელიძეები და შინდისის გმირები.
ჩემი ყველაზე მთავარი იმედი არიან ქართველი ახალგაზრდები, შეუპოვარი, დაუდგრომელი.. ზუსტად ეს არის ის თაობა, რომელიც ვერ გატეხა რუსეთმა 2008 წელს, რომელიც ამ ყველაფრის შედეგად, პირიქით, ბევრად უფრო პატრიოტად გაიზარდა და ბევრად უყვარს სამშობლო.
ვოლსკი მსგავსი ადამიანების სამშობლო არის კრემლი და მოსკოვი.
ქართველი ახალგაზრდების სამშობლო არის საქართველო, მათ შორის აფხაზეთი და შიდა ქართლი”. -აცხადებს მიხეილ სააკაშვილი.
