როგორც მოგეხსენებათ,გერმანიის ქალაქ მიუნხენში 21 სექტემბერს ლუდის 186-ეფესტივალი “ოქტობერფესტი” დაიწყო. ყველაზე დიდი, მასშტაბური სახალხო დღესასწაული მიუნხენის მერმა დიტერ რაიტერმა და ბავარიის ფედერალური მიწის პრემიერმინისტრმა მარკუს ზედერმა გახსნეს. გასულ წელს ლუდის ფესტივალს 6,3 მილიონი ადამიანი ეწვია, მიმდინარე წელს კი ორგანიზატორების ვარაუდით “ოქტობერფესტს” 6 მილიონამდე სტუმარი ეყოლება. ფესტივალის პერიოდში 1-ლიტრიანი კათხის ფასი საშუალოდ 11-12 ევროს შეადგენს. „ოქტობერფესტი“ ყოველწლიური, ორკვირიანი სახალხო დღესასწაულია გერმანიაში, ბავარიის დედაქალაქ მიუნხენში. ფესტივალი სექტემბრის ბოლოსა და ოქტომბრის დასაწყისში ტარდება. საგულისხმოა ის ფაქტიც, რომ დღესასწაულები მსგავსი სახით სხვა ქალაქებშიც იმართება, თუმცა ტრადიცია დასამაბს მიუნხენიდან იღებს. ფესტივალის განმავლობაში იმართება თეატრალური წარმოდგენები , ქუჩის მუსიკოსები კი კარგი განწყობის შექმნაზე ზრუნავენ.თავად გერმანელები „ოქტობერფესტის“ ნაცვლად, ფესტივალს „ფოლკფესტს“, ანუ მსოფლიოში ყველაზე დიდ სახალხო სეირნობას უწოდებენ.
13 მარტის ამინდის პროგნოზი ქალაქების მიხედვით
13 მარტს, საქართველოში მოსალოდნელია ცვალებადი ამინდი. ქვეყნის უმეტეს ნაწილში პერიოდულად მოიმატებს ღრუბლიანობა. დასავლეთ საქართველოში ძირითადად უნალექო ამინდი იქნება, ხოლო აღმოსავლეთ საქართველოში ზოგან შესაძლებელია მცირე ნალექი და ნისლი. დღისით,...
