საქართველოს ინოვაციების და ტექნოლოგიების სააგენტო, პროგრამის „ინტერნეტი განვითარებისთვის“ ფარგლებში, მაღალმთიან რეგიონებში მცხოვრებ ოჯახებს ინტერნეტის უფასო ინსტლაციას სთავაზობს.
პროგრამაში მონაწილეობა შეუძლია ყველა ოჯახს, ვინც:
ცხოვრობს საქართველოს მაღალმთიან რეგიონში; რეგისტრირებულია სოციალური მომსახურების სააგენტოს ბაზაში და მისი სარეიტინგო ქულა არ აღემატება 100 000-ს.
ამ ეტაპზე პროგრამაში იმერეთიდან 44 ოჯახი და 21 მეწარმეა ჩართულია. საქართველოს მასშტაბით პროგრამა უკვე მოიცავს 656 ოჯახს, 902 მეწარმესა და 21 ინტერნეტ-პროვაიდერს.
ასევე, აღნიშნული პროგრამის ფარგლებში საქართველოში მცხოვრებ ყველა ოჯახს საშუალება აქვს გაიაროს ინტერნეტის და კომპიუტერის შემსწავლელ უფასო კურსი, რომელიც მოიცავს:
კომპიუტერთან მუშაობის საბაზისო უნარებს; ინტერნეტის უსაფრთხო და ეფექტურ გამოყენებას; საოფისე პროგრამებს და ელექტრონული ფოსტის მართვას.
ვრცელი ინფორმაცია პროგრამის შესახებ ხელმისაწვდომია საიტზე: www.bfd.gov.ge
