“მადლობა თითოეულ ქუთაისელს, ვინც დღეს საარჩევნო ყუთთან სწორი არჩევანი გააკეთა და ხმა მისცა ქვეყნის მშვიდობიან განვითარებას, მხარი დაუჭირა ქუთაისის უკეთეს ხვალინდელ დღეს და წინსვლას!”- ამის შესახებ “ოცნების” ქუთაისის მერობის კანდიდატი დავით ერემეიშვილი სოციალურ ქსელში წერს.
ცესკოს წინასწარი მონაცემებით, ქუთაისის მერის არჩევნებში “ქართული ოცნების” კანდიდატმა დავით ერემეიშვილმა გაიმარჯვა.
“არჩევანი გაკეთებულია – ქართველმა ხალხმა კიდევ ერთხელ დაგვიჭირა მხარი და ჩვენ კვლავ გავიმარჯვეთ! “ქართულმა ოცნებამ ” უკლებლივ ყველა მუნიციპალიტეტში პირველივე ტურში დამაჯერებლად გაიმარჯვა! ეს გამარჯვება არა მხოლოდ ხალხის ნდობა და პატივია, უპირველესად უდიდესი პასუხისმგებლობაა და ჩვენ გავამართლებთ ამ ნდობას!
მადლობა თითოეულ ქუთაისელს, ვინც დღეს საარჩევნო ყუთთან სწორი არჩევანი გააკეთა და ხმა მისცა ქვეყნის მშვიდობიან განვითარებას, მხარი დაუჭირა ქუთაისის უკეთეს ხვალინდელ დღეს და წინსვლას!
მადლობა ყველა იმ ადამიანს, რომელიც ჩემს გვერდით იდგა საარჩევნო მარათონში – ერთგულად, შეუსვენებლად, გულწრფელად!
მადლობა “ქართული ოცნების” მმართველ გუნდს – სწორად, სამართლიანად და თანასწორ გარემოში ჩატარებული წინასაარჩევნო კამპანიისთვის! ჩვენი ქვეყნის, ჩვენი ქალაქის წინსვლა გრძელდება!”,- წერს დავით ერემეიშვილი.
ცესკოს ინფორმაციით, ქუთაისში გახსნილი 77 საარჩევნო უბნიდან დათვლილია 74 საარჩევნო უბნის შედეგები. აქედან, “ქართული ოცნების” ქუთაისის მერობის კანდიდატმა დავით ერემეიშვილმა მიიღო 36 549 ხმა, რაც ამომრჩევლის 85,63%-ია.
“გახარია საქართველოსთვის” პარტიიდან პაატა ზაქარეიშვილმა მიიღო 3 444 ხმა, რაც ამომრჩევლის 8,7%-ია.
პარტია “საქართველოს” ქუთაისის მერობის კანდიდატმა გიორგი ამაღლობელმა მიიღო 2 686 ხმა, რაც არის ამომრჩევლის 6.29%.
20:00 საათის მონაცემებით, ქუთაისში, საარჩევნო უბნებზე 49 652 ამომრჩეველი მივიდა. 4 ოქტომბრის არჩევნებისთვის ქალაქში სულ 153 000-მდე ამომრჩეველი იყო რეგისტრირებული
