“სტატისტიკური მონაცემების გათვალისწინებით, მუნიციპალიტეტში კრაზანას მატების გახშირებული შემთხვევები არ ფიქსირდება და პანიკის საფუძველი არ არსებობს.” – ამის შესახე ზესტაფონის მუნიციპალიტეტის მერია იუწყებიან. მათივე ინფორმაციით შესაბამისი სამსახურები, კრაზანას საწინააღმდეგო პრევენციულ ღონისძიებებს აქტიურად აწარმოებენ.
“მუნიციპალიტეტის მერის თანაშემწე, ოლეგ ჭანკოტაძე, ადმინისტრაციულ ერთეულებში მერის წარმომადგენლებს შეხვდა, როგორც არსებული მდგომარეობის შესასწავლად, ასევე მიაწოდა ინფორმაცია იმის შესახებ, თუ როგორ გაუწიონ კონსულტაციები მოსახლეობას რიგ შემთხვევებში.
საინფორმაციო შეხვედრებთან ერთად, პრევენციული ღონისძიებების ფარგლებში, შესაბამისი პრეპარატებით, აღჭურვილია ყველა საექიმო ამბულატორია. მუნიციპალიტეტის მერიამ ასევე შეიძინა ქიმიური საშუალებები, რათა კრაზანას კერების დაფიქსირების შემთხვევაში, შესაბამისი სამსახურების მიერ მოხდეს დროული რეაგირება.” – აცხადებენ ზესტაფონის მუნიციპალიტეტის მერიაში.
