საქართველოს სტატისტიკის ეროვნული სამსახურის ინფორმაციით, 2020 წლის განმავლობაში, მთელი ქვეყნის მასშტაბით, შინაგან საქმეთა სამინისტრომ ოჯახში ძალადობის 9144 მსხვერპლი და 8716 მოძალადე დააფიქსირა.
როგორც „საქსტატის“ მიერ გამოქვეყნებულ ინფორმაციაშია ნათქვამი, გასულ წელს, მთელი ქვეყნის მასშტაბით, ოჯახში ძალადობის მსხვერპლთაგან, 7573 ქალი იყო, 1571 კი კაცი. რაც შეეხება მოძალადეებს, მათგან 7197 კაცი იყო, 1519 კი ქალი.
იმერეთში 2020 წელს ოჯახში მოძალადეთა და მსხვერპლთა რაოდენობა ასეთია 738 მოძალადე და 817 მსხვერპლი. 2019 წელთან შედარებით შემცირებულია მოძალადეთა რაოდენობა (760), თუმცა გაზრდილია მსხვერპლთა რიცხვი (824).
რაც შეეხება გენდერულ განაწილებას, 2020 წელს მოძალადეთა შორის 638 მამაკაცი, 100 კი ქალია, 2019 წელთან შედარებით რაოდენობა მამაკაცების კატეგორიაში გაზრდილია (627) და შემცირებულია ქალებში (133).
2020 წელს იმერეთში ძალადობის მსხვერპლი გახდა 669 ქალი და 148 მამაკაცი, 2019 წელთან შედარებით გაზრდილია მსხვერპლი ქალების რაოდენობა (656) და შემცირებულია მსხვერპლი მამაკაცების რაოდენობა (168).
იმერეთში ოჯახში ძალადობის როგორც მსხვერპლ, ასევე მოძალადეთა უმრავლესობა 25-44 ასაკობრივ კატეგორიაშია.
რაც შეეხება რეგიონების მიხედვით განაწილებას, იმერეთი მოძალადეთა რაოდენობით მე-5 ადგილზეა, მსხვერპლთა რაოდენობით კი მე-4-ზე.
