ზესტაფონის მუნიციპალიტეტში კომპანია „ჯორჯიან მანგანეზის“ ხელშეწყობით, შშმ პირებისთვის ეტლების მწარმოებელი საამქრო ფეროშენადნობთა ქარხნის ტერიტორიაზე გაიხსნება. საწარმო დასავლეთ საქართველოში მცხოვრებ შშმ პირებს მოემსახურება.
➡️ ზესტაფონის მერი, გიორგი გოგლიჩიძე საწარმოს გახსნის და მისი ფუნქციონირების შესახებ დეტელებზე სასაუბროდ, ფეროშენადნობთა ქარხნის დირექტორს, ვასილ გველესიანს და არასამთავრობო ორგანიზაციის წარმომადგენლებს შეხვდა.
➡️ საქართველოში შშმ პირებისთვის განკუთვნილი ეტლების წარმოებას არასამთავრობო ორგანიზაცია „მოირგე“ იწყებს. „ჯორჯიან მანგანეზის“ გარდა პროექტის მხარდამჭერები არიან არასამთავრობო ორგანიზაცია „ მაკ ჯორჯია“ და საქართველოს ბანკის პროექტი „სიცოცხლის ხე“.
➡️ საწარმოს მშენებლობისთვის ფართი „ჯორჯიან მანგანეზმა“ უსასყიდლოდ გამოუყო.
პროექტის შესაბამისად, შშმ პირებისთვის ეტლები საქართველოში დამზადდება და ინდივიდუალურად იქნება მორგებული ყველა საჭიროების მქონე პირზე.
საწარმოში შშმ პირების დასაქმებაც არის გათვალისწინებული.
