“ხმების დაცვაზე:
(ხმების დაცვაზე გახარიასთან ვითანამშრომლებთო – ელენეს [ხოშტარიას] უთქვამს და ამაზე შემხვდა დისკუსია).
ხმების დაცვის ერთადერთი რეალური გზა არის 60-65 პროცენტის აღება ბარიერგადალახული ოპოზიციის მიერ.
სხვა ყველა გზაზე, კოორდინაციაზე და გამოძიებაზე საუბარი არის ყალბი სადღეგრძელო.
ვერ მოერევა ოპოზიცია ვერც მოსყიდვას, ვერც დაშინებას, ვერც სოცდახმარებითა და სამსახურით შანტაჟს გახარიასთან ლაპარაკით, თუ ისეთი აღტყინებული მოლოდინი და იმედი არ შექმნა უკეთესი მომავლის, რომ ოცნება landslide, პირწმინდად წაილეკა.
მოგება თუ გვინდა არჩევნები არჩევნებამდე უნდა მოვიგოთ და მოქალქეეები არჩევნებზე იმ განწყობით წავიდნენ, რაც 8-9 მარტის პროტესტის დროს ჰქონდათ.
ერთადერთი გზა ოპოზიციურმა პარტიებმა პროცესი ცოცხალი, საინტერესო და ჩამთრევი გახადონ, არის ის, რომ მათ ერთმანეთში ისაუბრონ მოქალაქეებისთვის ძვირფას თემებზე – ამაზე იკამათონ, ამით შექმნან დრამა, ამით აჩვენონ საუთარი უპირატესობები ერთმანეთთან.
ერთადერთი გზა ოპოზიციურმა პარტიებმა მიმზიდველობა შეიძინონ, თუ დაუპირისპირდებიან ოპოზიციურ ბელადომანიას, ოლიგარქიას და მორალური უპირატესობის პოზიციიდან დაელაპარაკებიან ოცნებას.
თუ მორჩება მოთქმა-გოდება, რუმინაცია აწმყოზე და ვისაუბრებთ აწმყო პრობლემების გადაჭრის გზებზე, მომავალზე – თუ ადამიანები მომავალში დაინახავენ პერსპექტივას, რომ ჩვენ რაღაც უკეთ შეგვიძლია.
? არჩევნები ვერ გაყალბდება თუ ივანიშვილის მოწინაღმდეგეებს, ვინც ბარიერს გადავლახავთ, ივანიშვილზე ორჯერ მეტი ხმა გვექნება.
სხვა შემთხვევაში გაყალბდება.
გაყალბდება რამდენიც არ უნდა ველაპარაკო გახარიას.
ვისაც არ უნდა არჩევნები გაყალბდეს, ხელი უნდა შეუწყოს ოპოზიციურ პარტიებს შორის თავისუფალ კონკურენციას და დაუპირისპირდეს იმ პირებს და ძალებს, ვინც თავისუფალ კონკურენციას ხელოვნურად ზღუდავს იმის სადემონსტრაციოდ, რომ ვინც “ბელადს განუდგება, განულდება”.
ეს იქნება არჩევნების გაყალბებასთან ბრძოლა.
გახარიასთან გაყალბებაზე ლაპარაკი კი არა, დებატები გვჭირდება განათლების, სასამართლო, უსაფრთხოების, თავდაცვის, საგადასახადო და ა. შ. რეფორმაზე”. – წერს თამარ ჩერგოლეიშვილი
