ვანო ზარდიაშვილმა საქართველოს პარლამენტი დატოვა. ამის შესახებ მან განცხადება გაავრცელა.
ზარდიაშვილი ამბობს, რომ გახდა “შავი პიარის სამიზნე” და “განტევების ვაცი”, თუმცა ვერ მოიძიეს ვერც ერთი ფაქტი, რომელიც მის მიერ კანონსაწინააღმდეგო ქმედებას დაადასტურებდა
“მე მივიღე გადაწყვეტილება, დავტოვო საქართველოს პარლამენტი და დეპუტატის მანდატი. ამით კიდევ ერთხელ მივანიშნებ საზოგადოებას, რომ თანამდებობა არის მხოლოდ საშუალება გამოადგე შენს ქვეყანას და ემსახურო თითოეულ მოქალაქეს. აქვე მინდა მადლობა გადავუხადო ჩვენი გუნდის თითოეულ წევრს, ვუსურვო მათ წარმატება და მხარდაჭერა გამოვუცხადო ქვეყნის განვითარების საქმეში“,- ნათქვამია ვანო ზარდიაშვილის განცხადებაში.
