ევროპული მემკვიდრეობის დღეები ქუთაისში გრძელდება.
ზ. ფალიაშვილის მემორიალურ სახლ-მუზეუმში ქართულ-პოლონური ურთიერთობების შესახებ ლექცია -შეხვედრა გაიმართა. ( მომხსენებლები : მ. აშვეთია, ე. თავბერიძე, ს. შალიკიანი ). ლექციის დასრულების შემდეგ კი სტუმრებს საშუალება მიეცათ ქართველ შინდლერად წოდებული თეოლოგიის, ფილოსოფიისა და ისტორიის მეცნიერებათა დოქტორის, წმინდა მღვდელმოწამე გრიგოლ ფერაძის მოღვაწეობისადმი მიძღვნილი დოკუმენტური ფილმი ეხილათ.( პოლონელი რეჟ: ერჯი რუბახი).
ევროპული მემკვიდრეობის დღეები კულტურულ ღონისძიებათა ყველაზე მასშტაბური და პოპულარული ციკლია ევროპაში, რომლის ფარგლებში ევროპის კულტურული კონვენციის ხელმომწერ 50 ქვეყანაში ყოველწლიურად 70 000 ზე მეტი ღონისძიება ტარდება და მასში 30 მილიონზე მეტი ადამიანი მონაწილეობს.
ევროპის დღეები ევროკავშირისა და ევროპის საბჭოს ერთობლივი წამოწყებაა და სახალხო ინიციატივის უნიკალური მაგალითია , რომელშიც ევროპის მილიონობით მოქალაქეა ჩართული.
ევროპული დღეებისადმი მიძღვნილი ღონისძიებები ქუთაისში ა(ა)იპ “ქ. ქუთაისის კულტურულ, სახელოვნებო, საგანმანათლებლო დაწესებულებათა გაერთიანების” ორგანიზებით ტარდება.
