,,დროულად გაიაზრეთ მიზეზ-შედეგობრივად, სანამ კიდევ არ არის გვიან❗️❗️❗️
ძალიან რთულ საუკუნეში მოგვიწია ცხოვრება, ურთულესი ბუნებრივი კატაკლიზმების პირობებში ვარსებობთ და ამას კიდევ ხელოვნურად გვირთულებენ თუ სასიცოცხლოდ მნიშვნელოვანი პრობლემებით, თუ პოლიტიკური ბატალიებით, თუ ასე, თუ ისე. მოკლედ, ძალიან ძნელია პრობლემებთან გამკლავება გონებრივადაც და ფიზიკურადაც, თქვენთვისაც, ჩემთვისაც, ყველასთვის…
ძალიან ქრისტიანი ანტივაქსერების საყურადღებოდ მინდა ვთქვა, ისევ ბიბლიიდან ამოვიდეთ, სადაც გარკვევით წერია შავით თეთრზე ?ორი გარდაუვალი ბოროტების? შესახებ. როცა სხვა ალტერნატივა არ არსებობს და ორი გარდაუვალი ბოროტებიდან ერთ-ერთი უნდა აირჩიო, ნაკლები ბოროტების გზის არჩევაა ქრისტიანული, ნაკლები ანუ შედარებით მცირე ბოროტების გზის! მსგავსი დილემის მაგალითი ისევ ბიბლიაშია გაწერილი და ეს არ არის არც ჩემი ლექსი, არჩ პოსტი, არც გამოთაქმა – ეს ბიბლიაა❗️ წაიკითხეთ ქრისტიანებო, წაიკითხეთ ერთხელ მაინც, თუ ორჯერ და სამჯერ ნებისყოფა ვერ გიქაჩავთ… გთხოვთ, მხოლოდ ქადაგებისას ყურმოკრული ამონარიდებით ნუ იქრისტიანებთ!
არც ჩემთვის და ჩემი ოჯახის წევრებისთვისაა ვაქცინა იდეალურად საიმედო და დაწურული. დიახ, მივდივართ ვაბანკზე, რადგან დღესდღეობით ჩემ ირგვლივ ბავშვების და ახალგაზრდების, ზოგადად ერის გადარჩენის ერთადერთი გზა ვაქცინაციაა! სხვაგვარად არასდროს მოგვშორდება ეს ვირუსი, სხვაგვარად პირდაპირ ხელს ვუწყობთ მისი შტამობრივი მრავალფეროვნების გამოვლენას… უკვე ჩვილების, ბავშვების, ახალგაზრდების ღეჭვა დაიწყო… დაფიქრდით და გაიაზრეთ, რა გველოდება, თუ ეს პროცესი არ შევაჩერეთ! თუნდაც ჩვენზე უმცროს თაობას გადავეფაროთ ამბრაზურებად, ვიყოთ, ბატონო, გმირები, რაკი ჯერაც არ ვიცით, ვაქცინა ვირუსისგან დაცვის იქით რას გვიშვება და როგორ იმოქმედებს მომავალში!
ყველაზე უკიდურესი მოსაზრებაც რომ დავიჯერო – ვაქცინაციის მზაკვრობაზე, აი, სულ მთლად უკიდურესი, ახალგაზრდებს და ბავშვებს ხომ გადავარჩენთ ჩვენი ვაქცინაციით, ამ პროცესს ხომ შევაჩერებთ?
აი. ჩემი დის მეგობრის 23 წლის ბიჭი – ლუკა დაიღუპა გუშინ, ძმა აცრილი იყო სინოფარმით და ლუკა – არა, ძმამ გადაიტანა შედარებით მსუბუქად, ცოცხალია (ღმერთმა უშველოს) ,ლუკას ახალგაზრდა და ჯანმრთელი ორგანიზმი ვერ გაუმკლავდა და სამუდამოდ დაესვა წერტილი ამქვეყნად მის არსებობას, სამუდამოდ! რამდენიმე ახალგაზრდაც დაიღუპა, რომელსაც პირადად არ ვიცნობდი, დაიღუპნენ ბავშვები, ჩვილები და ადამიანების რაღაც კატეგორია ამ ფონზე ვაქცინაციის საწინააღმდეგო პროპაგანდას ეწევა! ეს სიკეთეა? მითხარით, ესაა ქრისტიანული სიკეთე, როცა შენი პროპაგანდით ირიბად თუ პირდაპირ ხელს უწყობ ბავშვებისა და ახალგაზრდების მასობრივ სიკვდილს???
თან პარალელურად თითქოს ერზე შეგტკივათ გული. უცნაურია, როცა ხედავ, რომ ისედაც ერთი მუჭა ქართველები ვირუსის “წყალობით” ყოველდღიურად 15-20 ადამიანით მცირდება ( ამას პლუს ვირუსის იქით სხვადასხვა დაავადებით, მკვლელობებით, კატასტროფებით) და ამ დროს ქართველებს მოუწოდებ, არ გაიკეთონ ვაქცინა!
არ მინდა ვიყო ადეკვატურად მკაცრი ამგვარი ადამიანების მიმართაც კი, რადგან არც თქვენ ხართ “სხვები” , თქვენც “ჩვენიანები” ხართ და ამიტომ ვიკავებ თავს მძაფრი გაკიცხვისგან, რაც გულს გატკენთ, მაგრამ აზრზე მოდით, რას სჩადით! დროულად მოდით აზრზე, სანამ წითელ წიგნში შესატანი ცხოველებივით სანთლით საძებნი არ გახდა ეროვნებით ქართველი მსოფლიოში!
?
მერე ძალიან გვიან იქნება…
თითოეული იდენტიფიცირებული ხართ ავტომატურად – ვინ არ გაიკეთებთ ჯიუტად…
წლების შემდეგ ალბათ ვინმე ჭკვიანი ისტორიკოსი, ანთროპოლოგი გააანალიზებს ისტორიას – რა მიზეზებმა შეუწყო ხელი იმ მრავალსაუკუნოვანი ერის გაქრობას, ერთ დროს რომ საქართველოს ტერიტორიაზე ცხოვრობდა…” – წერს სოციალურ ქსელში მარიკა ბერძენაძე.
