ქუთაისის ე.წ გორის პარკის საბაგირო ახალ სამუშაო გრაფიკზე გადავიდა. როგორც მოქალაქეებმა გვითხრეს ცვლილებები გრაფიკში 3 სექტემბრიდან შევიდა. საბაგირო ხუთშაბათ დღეს არ იმუშავეს, შაბათ-კვირას კი დილის 12 საათიდან საღამოს 22:00 საათამდე მოგემსახურებათ. რაც შეეხება კვირის დანარჩენ დღეებს, საღამოს 17:00 -დან 22:00 საათამდე იმუშავებს. ფაქტს გვიდასტურებს ბესარიონ გაბაშვილის სახელობის კულტურისა და დასასვენებელი პარკის დირექტორი კახა კუხიანიძეც. მისი თქმით სამუშაო გრაფიკის შეცვლა შრომის კანონმდებლობაში არსებულმა ცვლილებებმა გამოიწვია. მისივე თქმით სამუშაო გრაფიკი კვირაში 40 საათზე გაითვალა. ვიზიტორებს კი, რომლებსაც დღის საათებში პარკის მონახულება სურდათ, უკან მოუწიათ დაბრუნება.
სასამართლომ ელდარ კურტანიძე პატიმრობაში დატოვა
ბათუმის სასამართლომ „ქართული ოცნების“ ყოფილი დეპუტატი, ელდარ კურტანიძე პატიმრობაში დატოვა. აღნიშნული გადაწყვეტილება მოსამართლე, ლევან ყოლბაიამ მიიღო. როგორც ყოფილი დეპუტატის ადვოკატმა ივანე მეფარიშვილმა სხდომის დასრულების შემდეგ ჟურნალისტებს განუცხადა, ბრალდების მხარე პროკურატურის მტკიცებულებებიდან...









