ლეიბორისტული პარტიის ქუთაისის ორგანიზაცია სტუდენტებისთვის სამგზავრო გადასახადების განახევრების ინიციატივით გამოდის. პარტიის წარმომადგენლები აკაკი წერეთლის სახელმწიფო უნივერისტეტის სტუდენტებს შეხვდენენ და ახალი იდეა გააცნეს. პარალელურ რეჟიმში მიმდინარეობდა ხელმოწერების შეგროვება.
ლეიბორისტული პარტიის ქუთაისის ორგანიზაციის ხელმძღვანელის ირაკლი კიკვაძის თქმით ხელმოწერების შეგროვების შემდეგ ისინი ახალი ინიციატივით ქუთაისის მერიას მიმართავენ.
„უკვე მიმდინარეობს 2020 წლის ბიუჯეტის დაგეგმარების პროცესი და საჭიროა ეს თანხება გაითვალიწინონ . ამასთან 2020 წელს მერიას, როგორც თავად აღნიშნავენ მუნიციპალური ტრანსპორტი შემოყავას, რაც ჩვენი ინიციატივის განხორცილებას კიდევ უფრო ამარტივებს“-აღნიშნა კიკვაძემ.
სტუდენტებისთვის სამგზავრო გადასახადების განახევრების ინიციატივა ლეიბორისტული პარტიის ახალგზრდული ფრთის ხელმძღვანელს გაგი ხელაძეს ეკუთვნის.
