ეზოტერიკოსი და მინეროლოგი თამუნა იოსელიანი სოციალურ ქსელში პოსტს აქვეყნებს და გვასწავლის რიტუალს,
რომელიც 17 თებერვლიდან ყოველ დილით უნდა გავაკეთოთ.
„გააკეთეთ ეს 17 თებერვლიდან ყოველ დილით…
დილის მაგია: ვმუხტავთ ჩაის წარმატებაზე.⠀
მეგობრებო, დღეს ჩაიზე ვისაუბრებთ. ბევრი ამ სასმელს უბრალო „სენდვიჩის მისაყოლებელ წყლად“ მიიჩნევს და მნიშვნელობას არ ანიჭებს. არადა, ჩაის ფოთოლი ძლიერ ბუნებრივ მეხსიერებას ინახავს.
⠀
მხოლოდ მზარდი მთვარის პერიოდში, საუკეთესო დროა დილის ჩაის სმა პატარა რიტუალად აქციოთ – დღის „სტარტის“ ღილაკად, რომ დღე მარტივად და წარმატებით წარიმართოს და ენერგია ყველა საქმისთვის გეყოთ, სცადეთ ეს მარტივი პრაქტიკა.
⠀
დაგჭირდებათ:
თქვენი საყვარელი ფინჯანი.
ახლად დაყენებული ჩაი (სასურველია ფოთლოვანი).
⠀
რა უნდა გააკეთოთ:
დააყენეთ ჩაი და მიეცით რამდენიმე წუთი დაყენებისთვის.
აიღეთ კოვზი და დაიწყეთ ჩაის მორევა მკაცრად საათის ისრის მიმართულებით (ზრდისა და განვითარების მიმართულება).
მორევისას, როდესაც ფინჯანში პატარა ტრიალის ვორტექსი წარმოიქმნება, ნახევრად ჩუმად წარმოთქვით ეს მოკლე სიტყვები:
⠀
„ჩაის ძალას ვაღვიძებ,
წარმატებას ვაკურთხებ.
გაედინოს სიზარმაცე და ჩრდილი,
იყოს ნათელი ეს დღე!
ფინჯანს დავლევ ბოლომდე
ჩემი წილი იღბალი დღეს მელოდება!“
⠀
დალიეთ ჩაი მშვიდად, აუჩქარებლად. წარმოიდგინეთ, როგორ ვრცელდება თითოეული ყლუპის სითბო სხეულში და გარდაიქმნება სუფთა, ოქროსფერ მოქმედების ენერგიად.
სიტყვები მუშაობს როგორც ნეიროლინგვისტური კოდი, ხოლო ჩაი ამ კოდს ორგანიზმის თითოეულ უჯრედამდე მიაქვს. მარტივი, სწრაფი, ეფექტური. წარმატებული დღე გქონდეთ!“, – წერს ეზოტერიკოსი სოციალურ ქსელში.
