ქუთაისში მოძრაობა “გაბედეს” და “შეცვალეს” წევრები ნაძვის ხეზე “ქართული ოცნების” ლიდერების ფოტოების ჩამოკიდებას სცადეს.
“ბიძინას სათამაშოები” – ამგვარად აფასებენ მოძრაობის წევრები მინისტრებს და დეპუტატეს. მათი თქმით, ფოტოების ნაძვის ხეზე დაკიდება სცადეს, რადგან საახალწლო ნაძვის ხეს “ბიძინა ივანიშვილის სათამაშოებიც” დაამშვენებს.
“ახალი წელი მოდის და გადავწყვიტეთ, ბიძინა ივანიშვილის სათამაშოებით მოვრთოთ ნაძვის ხე. მილიონები ჯდება ამ “მარიონეტების” შენახვა, ჩვენ მინიმალურ თანხად დავამზადეთ, მაგრამ არ მოგვცეს ნაძვის ხის მორთვის უფლება და სიმბოლურად, ბუჩქებზე დავტოვეთ”, – განაცხადეს აქციის მონაწილეებმა.
მათ მერიის ზედამხედველობის სამსახურის თანამშრომლებმა და სამართალდამცველებმა ფოტოების განთავსების უფლება არ მისცეს, რასაც ადგილობრივი თვითმმართველობის წარმომადგებლებსა და ,,გაბედეს” აქტივისტებს შორის სიტყვიერი შელაპარაკება მოჰყვა. ადგილზე მობილიზებული იყო საპატრულო პოლოციაც. როგორც პოლიციის დეპარტამანტეის უფროსის მოადგილემ აკაკი მაისურაძემ განაცხადა ისინი ადგილზე შეტყობინების მიღების გამო გამოცხადნენ. სამართალდამცველებმა ,,გაბედეს” აქტივისტებს განუმარტეს, რომ ისინი ადმინისტრაციული სამართალდარღვევათა კოდექსის 150-ე მუხლს არღვევდნენ, რაც გულისხმობს:
თვითმმართველი ერთეულის იერსახის დამახინჯებას
1. სხვადასხვა სახის წარწერების, ნახატების, სიმბოლოების თვითნებური შესრულება შენობათა ფასადებზე, ვიტრინებზე, ღობეებზე, სვეტებზე, ხე-ნარგავებზე, ასევე პლაკატების, ლოზუნგების, ბანერების განთავსება ისეთ ადგილებზე, რომლებიც საამისოდ არ არის გამოყოფილი, ღობეებისა და შენობების შეუღებავად მიტოვება, – გამოიწვევს დაჯარიმებას 50 ლარის ოდენობით. 2. იგივე ქმედება, ჩადენილი განმეორებით, – გამოიწვევს დაჯარიმებას 500 ლარის ოდენობით.
(არაკონსტიტუციურად იქნა ცნობილი 150-ე მუხლის პირველი ნაწილის სიტყვების „ასევე პლაკატების, ლოზუნგების, ბანერების განთავსება ისეთ ადგილებზე, რომლებიც საამისოდ არ არის გამოყოფილი“ ის ნორმატიული შინაარსი, რომელიც გამორიცხავს მესაკუთრის მიერ ან მესაკუთრის თანხმობით პლაკატების, ლოზუნგების, ბანერების სპონტანური საპროტესტო აქციის ფარგლებში ხანმოკლე ვადით, დროებითი განთავსების შესაძლებლობას ისეთ ადგილებზე, რომლებიც საამისოდ არ არის გამოყოფილი. არაკონსტიტუციური ნორმა ძალადაკარგულად იქნა ცნობილი) – საქართველოს საკონსტიტუციო სასამართლოს 2019 წლის 4 ივლისის გადაწყვეტილება №1/5/1271 – ვებგვერდი, 09.07.2019წ.
21. სხვადასხვა სახის წარწერების, ნახატების, სიმბოლოების თვითნებურად შესრულება ადმინისტრაციული ორგანოების შენობათა ფასადებზე, აგრეთვე მათ მიმდებარე ტერიტორიაზე, მათ შორის, ფეხით მოსიარულეთა და სატრანსპორტო საშუალებების სავალ ნაწილზე, – გამოიწვევს დაჯარიმებას 500 ლარის ოდენობით. 22. ამ მუხლის 21 ნაწილით გათვალისწინებული სამართალდარღვევის განმეორებით ჩადენა გამოიწვევს დაჯარიმებას 1 000 ლარის ოდენობით ან, თუ საქმის გარემოებებისა და დამრღვევის პიროვნების გათვალისწინებით ამ ზომის გამოყენება არასაკმარისად იქნება მიჩნეული, – ადმინისტრაციულ პატიმრობას 15 დღემდე ვადით. 3. ამ მუხლის პირველი ნაწილით გათვალისწინებული ქმედება, ჩადენილი „კულტურული მემკვიდრეობის შესახებ“ საქართველოს კანონით დადგენილ კულტურული მემკვიდრეობის დამცავ ზონაში, – გამოიწვევს დაჯარიმებას 1 000 ლარის ოდენობით. 4. ამ მუხლის მე-3 ნაწილით გათვალისწინებული ქმედება, ჩადენილი განმეორებით, – გამოიწვევს დაჯარიმებას 2 000 ლარის ოდენობით. 5. ამ მუხლით გათვალისწინებული დარღვევის გამოუსწორებლობა დაჯარიმებიდან 10 დღის ვადაში, – გამოიწვევს დაჯარიმებას 500 ლარის ოდენობით.
საბოლოოდ პერფორმანსმა მესხიშვილის თეატრის წინ მდებარე ბუჩქებზე გადაინაცვლა. აქციის მონაწილეებმა ეგრედ წოდებული “ბიძინას სათამაშები” სწორედ აქ დაამაგრეს, თუმცა თვითმმართველობისა და შსს-ს წარმომადგენლებმა ფოტოები მალევე ჩამოხსნეს.