ცენტრი „ემპათია“ დიპლომატიური მისიებს და დიპლომატიურ კორპუსს მიმართავს, რომ „მმართველი პარტიის ძალადობრივი ქმედებებისა და პოლიტიკური დევნის აღსაკვეთად ზომები მიიღონ”.
“სამწუხაროდ, უკანასკნელი პერიოდის პოლიტიკურმა მოვლენებმა და მმართველი პარტიის „ქართული ოცნების“ რიგიდულმა პოზიციამ საქართველოში გამოიწვია პოლიტიკური კრიზისი.
20-21 ივნისის სისხლიანმა აქციებმა დიდი ზიანი მიაყენა საქართველოს ახალგაზრდობას. მმართველი პოლიტიკური გუნდი ამჟამადაც აპირებს ძალადობრივად მშვიდობიანი აქციის დარბევას.
ცენტრი „ემპათია“ მოუწოდებს საერთაშორისო მისიებსა და დიპლომატიურ კორპუსს მიიღონ შემაკავებელი ზომები მმართველი პოლიტიკური პარტიის ძალადობრივი ქმედებებისა და პოლიტიკური დევნის აღსაკვეთად”, – აღნიშნულია განცხადებაში.