“არასამუშაო საათებში საჯარო მოხელეებს აქციაზე ყოფნა არ ეკრძალებათ” – ასე გამოეხმაურა გუშინ “ნაციონალური მოძრაობის” ოფისთან საპროტესტონ აქციაზე ქართული ოცნების წევრების გამოჩენას საკრებულოს უმრავლესობის დეპუტატი გიორგი ჭეიშვილი.
მისი განცხადებით გუშინდელი მოვლენების პროვოცირება ოპოზიციის წარმომადგენლებმა გამოიწვიეს, როდესაც სამუშაო საათების დროს “ქართული ოცნების” ოფისი დააბოქლომეს. მისივე განმარტებით, “ნაციონალური მოძრაობის” ოფისთან აქციები არასამუშაო საათებში დაიწყო, სადაც საჯარო მოხელეების გარდა ადგილზე მცხოვრებლები და დაინტერესებული პირებიც მივიდნენ. მისივე თქმით, არასამუშაო საათებში საჯარო მოხელეებს აქციაზე ყოფნა არ ეკრძალებათ.
“მოვლენების პროვოცირება ოპოზიციამ გამოიწვია. ჩვენმა მხარდამჭერებმა ამას დაკავშირებით გამოთქვეს პროტესტი, რომ ის ადამიანები, რომლებიც ცხრა წლის განმავლობაში ხალხის გამწარების და დაბოლქომების მეტს არაფერს აკეთებდნენ, კიდევ იღებდნენ ხმას. ჩემთვის მისაღები საერთოდ არ არის ის, რომ პროცესები ქუჩაშია გადატანილი. ოპოზიცია ყელში ამოუვიდა ააიპის ხელმძღვანელსაც, მერიის თანამშრომელსაც და საკრებულოს წევრსაც,”-ამბობს ჭეიშვილი.
ჭეიშვილი განმარტავს, რომ საჯარო მოხელეების მთავარი ფუნქცია აქციაზე აგრესიის ზღვარის შემცირება იყო. რაც შეეხება სიებს, რომლის მიხედვითაც, სავარაუდოდ, თანხები რიგდებოდა, ჭეიშვილი ამბობს თუ ვინმეს მსგავსი კადრები მოეპოვება გაასაჯაროვოს.
“ნაციონალური მოძრაობის” ოფისთან გამართულ აქციაზე “ქართული ოცნების” წევრებმა და მხარდამჭერებმა შენობას ცოცხები და კვერცხები დაუშინეს.
”ნაციონალური მოძრაობის” ოფისის დასარბევად საჯარო მოხელეები იყვნენ მოსულები” – ანდრო მაღლაკელიძე
დაპირისპირებამ ,,ნაციონალური მოძრაობის” ოფისთან გადაინაცვლა (+ვიდეო)
