ავსტრალიაში სასწრაფო დახმარების თანამშრომლები გაიფიცნენ. ისინი დღეიდან პაციენტებს საავადმყოფოში გადაყვანის გადასახადს აღარ გადაახდევინებენ. გაფიცულები აცხადებენ, რომ ამ გზით სახელმწიფო დიდ ზარალს ნახავს და იძულებული იქნება მათ მოთხოვნებს მოუსმინოს.
პროფკავშირების წარმომადგენლებმა გაფიცვა ჯერ კიდევ გასულ კვირას დააანონსეს. ისინი სახელმწიფო სასწრაფო დახმარების სამსახურისთვის დამატებითი რესურსების გამოყოფას ითხოვენ.
პერსონალი 12 საათიანი სამუშაო გრაფიკის 8 საათით შეცვლას ითხოვს. მათი განცხადებით სასწრაფოს თანამშრომლებს ხანგრძლივი და მძიმე გრაფიკით უწევთ მუშაობა. მათ მაგალითები მოჰყავთ, როდესაც უბედური შემთხვევაა, ადამიანის სიცოცხლე საფრთხეშია, პაციენტის საავადმყოფოში დროულად გადაყვანა კი, არასაკმარისი რესურსის გამო ევერ ხერხდება.
