რობოტმა ჩინეთში სამედიცინო სასერთიფიკაციო გამოცდა ჩააბარა

20 ნოემბერი, 2017 1 028



ხელოვნურმა ინტელექტმა  „სიაო ი“-მ  ჩინეთში სამედიცინო პრაქტიკისთვის საჭირო სალიცენზიო გამოცდა ჩააბარა. ინფორმაციას ჩინეთის ცენტრალური არხი CCTV ავრცელებს.
 
ტესტის ჩასაბარებლად 10 საათია განსაზღვრული, რობოტს კი ამისთვის სულ რაღაც 60 წუთი დასჭირდა. „სიაო ი „-მ ტესტში 600-იდან 456 ქულა აიღო, რითაც მინიმალურ ზღვარს 96-ით გადააჭარბა.
 
რობოტმა გამოცდა ჩააბარა შენობაში, სადაც არ იყო WI-FI და არ ჰქონდა წვდომა არავითარ ინფორმაციაზე გარდა იმისა, რაც შემქმნელებმა მასში ჩატვირთეს. რობოტმა 60-ზე მეტი სამედიცინო წიგნი შეისწავლა, მას გამოცდისთვის 6 თვე ამზადებდნენ.
 
ამ გამოცდის ნაციონალური რეკორდი (553 ქულა) მაინც ადამიანს ეკუთვნის. როგორც ექსპერიმენტის ავტორები ამბობენ, „სიაო ი“-ს პრაქტიკოსი ექიმებისთვის დახმარების გაწევა შეუძლია. 

წყარო:agora.geскачать dle 12.0
კომენტარები
აგრეთვე იხილეთ: